Бүх оддын шилдгүүд

МҮСБХ-ны Супер лигийн Бүх оддын тоглолт Буянт Ухаа спорт цогцолборт анх удаа 3 өдөр болж өндөрлөлөө. Эхний өдөр Монголын залуучуудын шигшээ баг, легионоруудын залуучуудын шигшээ багтай тоглож 10 онооны зөрүүтэй хожигдсон. Энэ өдөр явагдсан ур чадварын тэмцээний ялагчаар Оюунболдын Цэлмэг, SLAM DUNK тэмцээний аваргаар QUINCY AFAMEFUNA OKOLIE, 3 онооны шидэлтийн аваргаар MICHEAL PUGH шалгарсан. Бүх оддын тоглолтын 2 дахь өдөр шүүгч нарын саналаар шигшэгдсэн "Бүх одод" тоглогч нарын тэмцээн болсон. "СЭТГЭЛ СЭРГЭЭМ" 3 онооны тэмцээний аваргаар ЭРДЭНЭДРИЙЛИНГ РИГС багийн тамирчин Н.ЗОЛЖАРГАЛ, УР ЧАДВАРЫН тэмцээний аваргаар ХЭНТИЙ ЧИНГИС СИТИ багийн Ж.АЛТАНШАГАЙ, Багийн шидэлтийн тэмцээний аваргаар "СЕНТОЗА АРСЛАНГУУД", Үнэ цэнэтэй тоглогчоор ОУХМ Б.Билгүүн, SPRITE SLAM DUNK-ын АВАРГА JONATHAN BLAKE нар шалгарлаа. Бүх оддын тоглолтын сүүлийн өдөр Инчон Азийн наадмын 8-т шалгарсан Монгол улсын шигшээ, АНУ-ын легионоруудын шигшээ багийн эсрэг тоглож 102 : 98- ийн харьцаатайгаар хожил байгууллаа.

Энэ өдөр Монголын багаас Б.Билгүүн 30 оноо авч багаа тэргүүлсэн бол Б.Одбаяр 23 оноо, Т.Санчир 17 оноо, О.Сэргэлэн 8 оноо, Н.Золжаргал 7 оноо, Мөнхболд 6 оноо, Азбаяр 4 оноо, Мөнхтүвшин 3 оноо, Болортулга 2 оноо, Ууганбаяр 2 оноо тус тус авчээ. Америкийн багаас Jonathan Blake 29 оноогоор багаа тэргүүлж, Holmes 15 оноо, Hammonds, Chris Lawson нар тус бүр 13 оноогоор түүнд тусалжээ. Харин багийн бусад гишүүд нь 10аас доош оноонууд авлаа. Инчонд тоглосон бүрэлдэхүүнд бага зэргийн л өөрчлөлт байснаас шигшээ багаа гадаадуудын эсрэг тоглохыг харах янзтай.Манай шигшээ гар нийлцэн, бие биенээ байрлал бүртээ тэр зэрэгтэй сэлгээд явчих боломжтой гоё баг, эсрэг талд өөр өөр багийн легионорууд.. Сонирхолтой, үзүүштэй, сэтгэл сэргээсэн сайхан тоглолт байлаа. Монголын шигшээдээ баяр хүргэе. Ямартай ч манайхан хоёр жил дараалан Супер лигийн Бүх Оддын тоглолтонд Америкийн багийг хожлоо.

.

Эх сурвалж: http://www.ssport.mn/p/636