Фаррелл Уильямс, Робин Тике нар дуу хулгайлсан хэргээр 7.3 сая доллар төлөхөөр болжээ

Дуучин Фаррелл Уилльямс, Робин Тик нарыг "Blurred Lines” хит дуундаа Мэрвин Гэйгийн 1977 онд гаргасан "Got to Give It Up" бүтээлээс ашигласан гэж үзээд шүүхээс $7.3 саяыг гэр бүлд нь төлүүлэх шийдвэр гаргажээ. 

Марвин Гэй-ийн үр хүүхдүүд алдарт одуудыг зохиогчийн эрх зөрчсөн хэргээр буруутгаж Лос Анежелесийн шүүхэд гомдол гаргасан нь энэ аж. Шүүхийн байгууллага хэргийг хэлэлцсэний үр дүнд дуучдыг буруутай хэмээн тогтоожээ. 

2013 онд зохиогдсон "Blurred lines” дуу нь 12 долоо хоногийн турш дууны жагсаалтыг тэргүүлсэн юм. Уг дуу эзэддээ 16 сая ам.долларын ашиг өгснөөс 5.6-г нь Робин Тике, 5.2-ыг нь Фаррелл Уильямс авсан байна.