|

МУСТА Э.Төрмандахын “Жаргалтай явна хоёулаа” дуу саятан болжээ

Монголын ард түмэнд нэг сайхан чанар бий. Тэр нь сэтгэлд нь  хүрч, сайхан мэдрэмж төрүүлсэн аливаа зүйлийг зүгээр нэг сонирхоод орхих биш баяр хөөртэйгөөр өлгийдөн авч, бүүвэйлэн энхрийлж, цэцэглүүлэн өртөөлүүлж чаддагт оршино. Тэр дундаа дуугаа өөрсдөө зохиож, дуунаасаа ухаарал нэмж ирсэн гэгээн түүхтэй ард түмэн болоод ч тэр үү уянга дуундаа дэндүү хайртай.

   Үе үеийн түүхийн шаргал салхийг үг бадаг, эгшиг нугалаа бүхэндээ шингээж байдаг ардын дууны үргэлжлэл болон дуулагдаж буй олон олон дууг ард түмэн минь сэтгэлдээ тосон авч бас шинэ сайхан бүтээлийг уран бүтээлчдээсээ хүлээн гэгэлзэж суудаг нь үнэн. Тэгвэл сүүлийн үед төрөн гарч байгаа шилдэг бүтээлүүдийн магнайд МУСТА Эрдэнэсүрэнгийн Төрмандахын дуулсан "Жаргалтай явна хоёулаа” хэмээх дуу зүй есоор өнгөлж явна гэдгийг ард түмнийхээ сэтгэлийн хандлагаас харж болохоор байна.

  Уудам дэлгэр монгол орны эзэн заяаг түшиж яваа эгэл залуугийн нүнжигтэй, гэнэн цайлган сэтгэлийг харуулж дурсжүүлсэн уг бүтээл нь цацагдаж эхэлснээс хойших есөн сарын хугацаанд нэг сая илүү монгол түмэн нь YouTube хэмээх сайтаас үзэж сонсжээ. Өөрөөр хэлбэл нэг сая ард түмнийхээ сэтгэлийн ерөөлөөр хүрээлүүлжээ гэсэн үг. Цаашид ч энэ тоо улам хурдтай нэмэгдэх нь харагдаж байна.

   Монгол ахуй орчинд монголынхоо ёс заншил, бахархалт уламжлалыг үнэрлэж өссөн, уншиж мэдсэн, сонсож дуулсан хэн бүхэн "Жаргалтай явна хоёулаа” дуугаа сэтгэлдээ бүүвэйлэн эгшиглүүлсээр байх нь дамжиггүй юм. Өөрийн гэсэн өвөрмөц өнгө төрх өргөн цар хүрээтэй хоолойн чадлаараа түмэн олноосоо өндөр үнэлгээ авч буй  эрхэм дуучин Э.Төрмандахдаа урлагийн өндөр өмжилт хүсч, аяны дөрөөг тань үгэн сүүгээр мялааж байна.

 

893
  • Гурван ихрийн гайхалтай үзүүлбэр Үзсэн   276 2015-06-15
  • Секси охидын тосон дээрх барилдаан/видео/ Үзсэн   2322 2015-07-09
  • NB & SALLY: Дуучин Беки, мисс Х.Бадамгэрэл Үзсэн   1632 2014-09-05
  • БААБАР ИНГЭЖ ӨГҮҮЛЭВ - НЭВТРҮҮЛЭГ Үзсэн   698 2014-08-05
  • Хятадад бохирын сувгийн хаягдлаар масло хийдэг VIDEO Үзсэн   478 2015-11-11
  • Булганы Ланд 200 гийн будлиан Монгол Улсыг шуугиулж байна Үзсэн   497 2015-10-16
  • Исламын санваартны гаж үйлдэл (Бичлэг) Үзсэн   865 2014-11-26
  • ГУЛГАА МАССАЖ ХИЙЖ БАЙГАА БИЧЛЭГ ... Үзсэн   3020 2018-02-13
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler