Хүүхдээс өмсгөл булаасан эмэгтэй "Онигоо"-нд оржээ

Английн "Чэмпионшип Дивизион"-д дэвших эрхийн төлөөх "Престон Норт Энд", "Свиндон Таун" багуудын тоглолт 4:0-ийн харьцаатай өндөрлөсөн бөгөөд тоглолтын гол баатар нь "Престон"-ы довтлогч Жермэйн Бекфорд байлаа.

Түүнийг дасгалжуулагч нь сэлгээнд суулгасны дараа өөрийн өмсгөлөө тайлан хөгжөөн дэмжигч бяцхан хүүхдүүд рүү шиджээ. Түүний өмсгөлийн төлөө таван жаал хооронд нилээд тэмцэлдсэний эцэст найман настай Тед Докрей хэмээх жаал өөрийн болгож чадсан байна. Гэтэл гэнэт нэгэн эмэгтэй бяцхан жаалхүүгээс өмсгөлийг нь булаан авчээ.

Тоглолтын дараа тэр эмэгтэй энэхүү өмсгөлийг онлайн дуудлага худалдааны сайт дээр байршуулсан ч маш олон хүн дургүйцлээ илэрхийлсэн тул удалгүй зараа устгахад хүрчээ.

Учир нь хэрхэн бяцхан жаалаас өмсгөлийг нь булааж буй таагүй үйлдэл нь  "Youtube"-д тавигдсан байжээ. "Хүүхдээс өмсгөл булаасан "Дээрэмчин эмэгтэй"-н талаар "Престон" багийн удирдлага дараа нь мэдсэн бөгөөд өмсгөлөө булаалгасан найман настай Тед Докрей хүүг клубтэй холбоо тогтоохыг хүссэн байна. Багийн зүгээс түүнд Жермэйн Бекфордын өмсгөлийг бэлэглэхээр зэхээд байгаа ажээ.