Д.Намсрайноровын ээлжит эротик клип бэлэн болжээ

Зохиолын дууны орон зайнд өөрийн өтгөн хөмсөг, эротик дуу хоёроороо ялгарах болсон дуучин Д.Намсрайноров өнгөрөгч амралтын өдөр нүнжигээ харуулсан сурагтай.

Тэрбээр, өөрийн үзэгч сонсогч үнэнч фэнүүдтэйгээ хамт "Нарны орон” амралтын газарт амарч, "Сарны саруултайд” шинэ уран бүтээлдээ зориулан зарласан уралдааны шилдгүүдийг нэрлэжээ.

Тодруулбал, сарны саруултайд шинэхэн уран бүтээлдээ шилдэг клип шалгаруулах уралдааныг үзэгчдийнхээ дунд зарлаж, хурдан удмын үрээгээр урамшуулахаа мэдэгдсэн. Тэгвэл энэхүү уралдаанд Өвөрхангай аймгаас оролцсон оролцогч н.Ганбаатар шалгарч, дуучнаас хурдан удмын үрээгээ бэлгэнд авчээ.

Түүний хийсэн шинэхэн клипийг уншигч таньд хүргэе. Үдийн цайны завсарлагаараа үзэж бяцхан инээд авна гэдэгт итгэлтэй байна. Эх сурвалж: www.mminfo.mn