Өндөг, гадилтай бин-салахын аргагүй амт

Ердөө гуравхан орцтой, хийхэд амархан өглөөний унд хэрхэн бэлтгэх талаар цуврал жорыг эзэгтэй танд санал болгож байна. Нэг ширхэг гадил, өндөг, шанцай байхад л гүйцээ.

Амттаныг бэлтгэхдээ эхлээд гадил жимсээ цэвэрлээд жижиг хэмжээтэй хэрчиж нухаш болтол нь хутгана. Хутгагч миксер байвал зүгээр шүү. Дараа нь хоёр ширхэг өндгөө хийгээд сайтар хутгана. Дээрээс нь нэг халбага гурил, шанцайг жигд цацаж өгөөрэй. 

Хайруулын тавгыг өнгөцхөн тослоод зөөлөн халаана. Ингээд зуурмагийг хэсэгчлэн гоожуулж асгана. Зуурмагыг огт хутгах хэрэггүй бөгөөд биежиж болоод эхэлмэгц эргүүлж нөгөө талыг шарна. Зөөлөн гал дээр. 

Ингээд элдэв амттан, сироп хийх шаардлагагүй энгийн хэрнээ часхийсэн өндөг, гадилтай бин бэлэн болно. Хэрвээ амттан нэмж хэрэглэхээр бол зөгийн бал, жимсний чанамал зэргээр амтархан зооглоорой. Шанцайны үнэр хүртэл танд цадсан мэт сэтгэгдлийг төрүүлэх учир цай, хоол болон жигнэмэг хийхдээ хэрэглэж байгаарай. 

Эх сурвалж: www.dailymail.co.uk