Энэ онд Селфи гар 12 хүнийг “цааш нь харуулжээ”
Чин үнэнийг хэлье. Хүмүүс үнэхээр
утгагүй, тэнэг үйлдэл байнга хийдэг. Хэчнээн өндөр оюуны чадамжтай
байсан ч гэсэн тэнэг зүйлс хийх нь бий. Ялангуяа энэ удаад нийгмийн
сүлжээнд өөрийнхөө "гайхалтай” зургийг байрлуулах гэж байгаад хорвоог
орхисон хүмүүсийн тухай өгүүлэх гэж байна.
Тэр ч бүү хэл зөвхөн бие засах суултуураас болж жилд хэдэн мянган хүн гэмтэж бэртдэг аж
2015 он гарсаар нийт 12 хүн селфи гартай холбоотойгоор амиа алдсан нь өнгөрсөн онтой харьцуулахад хоёр дахин нэмэгдсэн үзүүлэлт аж. Тэр ч бүү хэл зөвхөн өндөр дээрээс унаж, бүдэрч амиа алдахаас гадна хамгийн утгагүй үйлдлийг хийж байгаад амиа алдагсад нэмэгджээ.
Испанид гэхэд нэг залуу Сан Фермин баярын үеэр бухнаас зугтах арга хэмжээнд оролцохдоо өөрийн зугтаж буй агшныг гар утсандаа буулгаж авах нь хамгийн гайхалтай санаа гэж үзсэн байна. Хоёр Орос залуу гар бөмбөг барьж байгаад селфи авахыг мөн л тун зөв гэж таажээ.
ОХУ-д селфитэй холбоотой амиа алдах явдал нэмэгдсэн учраас ийм анхааруулах тэмдэг хүртэл гаргажээ
Түүнчлэн нэг эмэгтэй толгойдоо буу тулгаж байгаад зураг авах гэсэн боловч оронд нь гохоо дарсан харамсалтай хэрэг хүртэл гарсан байна. Мэдээж хэрэг үхэл гэдэг харамсалтай, гунигтай явдал.
Гэхдээ үхлийг энэ мэтээр өөрсдөө дуудагсад, сэргийлж болох байхад "гайхамшигтай” гэж үзсэн үйлдлээ хийсээр байгаа нь 12 хүнийг хорвоог орхих шалтгаан болжээ. Гэтэл 2015 онд аварга загас хүний аминд хүрсэн тохиолдол найм бүртгэгдсэн нь селфи гартай холбоотой үхлээс хамаагүй бага тоо юм.
Мэдээж хэрэг энэ хоёр хэргийг хооронд нь харьцуулах нь зохимжгүй. Аварга загаснаас болж амиа алдах, селфи гарнаас болж амиа алдах хоёр тэс ондоо хэргүүд. Тэр ч бүү хэл зөвхөн бие засах суултуураас болж жилд хэдэн мянган хүн гэмтэж бэртдэг аж.
Гол нь селфи гартай холбогдуулан юуг хэлэх гээд байна гэхээр нийгмийн сүлжээ гэдэг орчин үеийн орон зайд өөрийнхөө хамгийн гоё, гайхалтай гэж бодсон зургуудаа нийтлэх нь таны эрх. Харин тийм гайхалтай зүйлийг албаар бүтээх гэж байгаад амь насаа эрсдэлд оруулна гэдэг "тэнэг” санаа юм.
Эх сурвалж: 
