Хийлч Дээгийгийн гэзэгний үзүүр хэнийг "гижигдэв"
Монголчуудын ням гараг бүрийн орой тэсэн ядан хүлээдэг нэвтрүүлгийн нэг
болж чадсан "Авъяаслаг монголчууд” шоуны феналын шатны шалгаруулалт
эхэлсэн билээ.
Өчигдөр орой эхний найман оролцогч өрсөлдөж, үзэгчид болон шүүгчдийн
саналаар хоёр оролцогчийг дараагийн шатанд тунаж үлдээсэн.
Эдгээр найман оролцогчийн нэг буюу 4 дугаартай оролцогч М.Галмандах
эхний шатандаа нүд хөмсөгөөрөө шүүгч Дээгийгийн харцыг булааж, дуу
хоолойгоороо сэтгэлийг нь уярааж чадсан юм.
Тухайн үед шүүгч бүсгүй маань түүнийг дуулах үеэр тэсэлгүй нүд ирмэн, харц ширтэлцээд амжсан.
Тэгвэл малчин залуу маань феналын шатанд Д.Намсрайноровын эротик үг
хэллэгтэй гэгддэг "Дурлан дурлан хайрламаар” хэмээх дууг сонгон дуулсан
нь мөн л шүүгч Дээгийгээс өндөр үнэлгээ авав.
Тэрбээр саналаа хэлэх үеэрээ "Би чамд зориулаад өнөөдөр гэзгээ ингэж
янзалсан шүү” хэмээн хошигнож, үзэгч олныг хөгжөөгөөд амжсан билээ.
