Мисс А.Баярцэцэг топ-16-д үлджээ
Австрийн Вена хотноо "Эх дэлхийн мисс-2015” буюу "Miss Earth” тэмцээний финалын шалгаруулалт болж, титмийн эзнээр Филиппиний мисс Анжелиа Онг тодорлоо.
Дэлхийн 95 орны гоо бүсгүйчүүд
титмийн төлөө өрсөлдсөнөөс Монгол Улсаа төлөөлөн А.Баярцэцэг амжилттай
оролцож, ТОП-16 ялагчийн нэг боллоо. Түүний Монголынхоо тухай
танилцуулсан видео 160 мянган хандалтыг авч тэргүүлсэн байна.
Финалын шалгаруулалтын ТОП 16-д Унгар, АНУ, Украин, Австрали, Чех, Бразил, МОНГОЛ, Филиппин, Маврикий, Шотланд, Австри, Чели, Колумб, Венесуэл, Франц, Гуам улсын миссүүд орсон юм. Эндээс шилдэг наймд АНУ, Австрали, Бразил, Филиппин, Австри, Чили, Колумб, Венесуэл улсын миссүүд үлдсэн байна.
Мисс А.Баярцэцэг явцын шалгаруулалтаас гурван алт, нэг хүрэл медаль хүртсэн юм. Мөн авьяасын төрөлд шилдэг 12-т багтаж, Ази тивийн гоо бүсгүйчүүдээ төлөөлөн НҮБ-ын индэр дээрээс Уур амьсгалын өөрчлөлт, дэлхийн дулааралтай холбоотой сэдвээр илтгэлийг тавьсан юм.Фото шалгаруулалтын ангилал,Үдшийн гоёлын даашинзны төрөл, Багийн "Бүтээлч сэтгэлгээний төрөл"-д алтан медаль авч, "Шилдэг коктейл даашинз” буюу богино даашинзтай алхаагаар хүрэл медаль авсан юм байна.
"Miss Mongolia-2015” тэмцээний тэргүүн мисс А.Баярцэцэг нь "Торго” загварын агентлагт харьяалагддаг. Топ модель Г.Уранцэцэг, "Азийн хатан хаан” Г.Оюунгэрэл нарын шавь аж.
"Miss Earth-2015" тэмцээний ТОП-16 оролцогчийн нэг мисс А.Баярцэцэгтэй Австрийг зорихийн өмнө хийсэн ярилцлагыг хүргэе.
