|

Хару башё: Какүрюү уран барилдаан үзүүлж, Харумафүжи Котоюүкиг уйлуулав

Мэргэжлийн сүмогийн гуравдугаар сарын тэмцээн буюу Хару башёгийн гуравдахь өдрийн барилдаан өндөрлөлөө. Ёкозүна цолтойгоор давсан даваагаа 671 болгосон Их аварга Хакүхо өнөөдөр Такаясутай тун хянамгай барилдаж ээлжит даваагаа ахиулав. Хакүхо аварга одоо бас нэгэн дээд амжилтын төлөө барилдаж байгаа бөгөөд түүнд таван даваа хэрэгтэй байна. Тэр нь бүх цаг үеийн хамгийн олон даваатай бөхөөр гуравдугаарт бичигдэх амжилт юм. Маргааш Их аваргын учраа нь маэгашира Окиноуми.
Өнөөдөр 71 дэх аварга Какүрюү М.Ананд хамгийн сүүлийн барилдааныг хийсэн ба түүний Окиноумитай хийсэн барилдаан уран хурц болж өнгөрлөө. Барилдааны эхэнд өрсөлдөгчөө дэвжээний зах руу шахсан аварга маань өөрөө хүнд байдалд орсон ба дэвжээний захад зайлж мушгин уран мэхээр давсан. Маргааш Какүрюү аварга маэгашира цолтон Котоюүкитэй барилдана.
Сүмогийн хамгийн оргил амжилтандаа хүрээд байгаа М-1 Котоюүки өнөөдөр Харумафүжи аваргыг давж үзэгчдийг шуугиулав. Ёкозүна цолтонгуудтай анх удаа хүч үзэж буй тэрбээр аваргад боломж олгосонгүй шууд түрээд гаргачихав. Тэрбээр давсаныхаа дараа сэтгэл хөдлөлөө нуусангүй, нулимсс унагаж байсан. Анхны ялагдалаа авсан Харумафүжи аварга маргааш Такаясутай барилдахаар онооолт таараад байна.
Манай залуу хүчтэн Ичиножёо А.Ичинноров эхний хоёр өдөр урамтай барилдаж дараалан даваад байсан бөгөөд өнөөдөр Тоёохибикитэй барилдаж уватенаге мэхээр өрсөлдөгчөөө ялав. Залуу хүчтэн маань өөрийн боломжоо бүрэн ашиглаж барилдаан нь илт сэргэж байгаа билээ. Маргааш тэрбээр гурван даваатай байгаа орос бөх Амүрутай барилдах аж.  
Өнөөдөр манай гурван маэгашира цолтонууд болох Тамаваши, Такайнова, Кёкүшюүхо нар бүгд өрсөлдөгч бөхдөө ялагдлаа. Маргааш манай бөх Сэйро Э.Өнөболд  дээд зиндаанд Китатайкитай барилдахаар болжээ.
Манай залуу озеки Тэрүнофүжи өнөөдөр комүсүби Точиозантай хүч үзсэн. Барилдааны явцад тэрээр өөртөө давуу байдал олон кимедаши мэхээр ялалт байгуулсан. Маргааш Тэрүнофүжи маэгашира Икиойтой барилдахаар оноолт таарсан. Эхний гурван өдөр озеки цолтой бөхчүүд тун өнгөтэй байгаагаа харуулж ганц ч унаагүй байгаа бөгөөд гурван аварга нэг нэг унаатай байна. 
Ч.Амар
 
1481
  • Мэс заслын үеэр эмч нар хоорондоо зодолдож буй бичлэг Үзсэн   1491 2017-05-19
  • Б.Жаргалсайхан телевизийн студид танхайрч сэтгүүлчид гар хүрчээ Үзсэн   2336 2015-05-05
  • Өнгөрсөн долоо хоногийн шилдэг 10 ”Buzzer shot” Үзсэн   997 2016-01-18
  • Хүнд суртал /Хошин шог/ Үзсэн   1388 2016-01-25
  • Фэйсбүүк мэдээ: Петровис компанийн борлуулж байгаа Евро дизель түлш асуудалтай юу? Үзсэн   1860 2014-10-07
  • Шинэ жилийн адал явдал Үзсэн   3240 2015-01-03
  • Багтай хүнээс айж буй нохдын хөгжилтэй агшин Үзсэн   1019 2017-08-08
  • "Got talent"-ын алтан товчлуур хүртсэн шилдэг үзүүлбэрүүд /Видео/ Үзсэн   1572 2016-07-27
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.