Орос алиалахад Америк айдаг VIDEO
Хэрэв та өчигдөр буюу Инээдмийн өдөр Оросын Элчин яам руу утастсан бол элгээ хөштөл инээх байлаа. Гэтэл оросуудын хошигнол америкчуудыг жинхэнээсээ айлгаж Америк "харвах” шахжээ. "Ассошиэйтед Пресс” агентлаг бүр оросуудын хошигнолд итгэж Оросын Элчин яам руу утастаж Нүүрномд нийтэлсэн бичлэг жинхэнэ эсэх талаар лавласан байна. Харин Оросын Гадаад харилцааны яамны жижүүрийн ажилтан тэдэнд хариулж "Facebook-т нийтэлсэн бичлэг зүгээр л алиалал” гэж батлан тайвшруулжээ.
Одоо бүхнийг дэс дараалан өгүүлье. Оросын Гадаад харилцааны яам 4 сарын 1-нд алиалахаар шийдэн өөрийн "Facebook”-ээр сонирхолтой бичлэг цацжээ. Оросын Элчин яам руу утастсан хүмүүст автомат хариулагч хариулж, улмаар орос хакеруудын үйлчилгээг, мөн улстөрийн өрсөлдөгч рүүгээ Оросын дипломатчаар утастуулахыг санал болгохын зэрэгцээ бүр гадаад орнуудын сонгуульд хөндлөнгөөс оролцдогоо ч "батлаад өгөв".
Одоо бүхнийг дэс дараалан өгүүлье. Оросын Гадаад харилцааны яам 4 сарын 1-нд алиалахаар шийдэн өөрийн "Facebook”-ээр сонирхолтой бичлэг цацжээ. Оросын Элчин яам руу утастсан хүмүүст автомат хариулагч хариулж, улмаар орос хакеруудын үйлчилгээг, мөн улстөрийн өрсөлдөгч рүүгээ Оросын дипломатчаар утастуулахыг санал болгохын зэрэгцээ бүр гадаад орнуудын сонгуульд хөндлөнгөөс оролцдогоо ч "батлаад өгөв".
Ингээд та бүхэн Гадаад орнуудад суугаа Оросын Онц бөгөөд бүрэн эрхт Элчингийн автомат хариулагчийг доорх бичлэгээс хүлээн авч сонсоно уу:
Та Оросын Элчин яам руу утастлаа. Таны утасны дуудлага бидэнд маш чухал байдаг. Та өөрийн улстөрийн өрсөлдөгч лүү Оросын дипломатчаар утастуулахыг хүсвэл 1 товчлуурыг дарна уу. Оросын хакеруудын үйлчилгээ авахыг хүсвэл 2 товчлуурыг дарна уу. Сонгуульд хөндлөнгөөс оролцох асуудлаар утастаж байгаа бол 3 товчлуурыг дарж, сонгуулийн кампанит ажил эхлэхийг хүлээнэ үү. Үйлчилгээний чанарыг дээшлүүлэх үүднээс бүх яриаг бичиж байгааг анхаарна уу.
М.Цогзолмаа, www.mnews.mn
