“Belleperre” компани “Touch” нэртэй ухаалаг гар утсаа танилцууллаа

Өнгөрсөн оны сүүлээс эхлэн тансаг зэрэглэлийн ухаалаг гар утасны салбарт улам хүчтэй өрсөлдөх болсон Беллперри компани өдгөө чансаагаараа Верту, Ламборгини нартай энэ зэрэгцэж эхлэсэн билээ.

Тэгвэл компани өнгөрсөн сард танилцуулж байсан "Touch” нэртэй ухаалаг гар утсаа 3000-3500 ам.долларын үнээр худалдаанд гаргаж эхэллээ. Бүтээгдэхүүний үнэ гадна хэсгийн орцоос шалтгаалж хэлбэлзэх юм байна.

Тусгай зэвэрдэггүй ган хийцийн тоноглол, Америк бухын шир эсвэл аллигатор матрын арьснаас сонголтоо хийх боломжтой.

Үзүүлэлтийн хувьд 4,9 инчийн Супер Амолед дэлгэц, зурагддаггүй сафир шилэн хамгаалалттай, ухаалаг гар утасны сүүлийн үеийн дэвшлийн шингээн хурууны хээ таних төхөөрөмжийг суулгаж өгсөн байна.

Бүтээгдэхүүн 1,5 гигагерцийн 2гигабайтын рамтай бол өөр дээрээ 48 гигабайтын багтаамжтай. Мэдээж хэрэг утасгүй холболтын бүхий л төрлийг багтаасан.

LTE сүлжээг дэмжих боломжтой. Ард талдаа 8 мегапикселийн камерыг багтаасан бол урд хэсэгтээ 1,9 мегапиксель бүхий камерыг тус тус багтаажээ. Яг ижил тоноглолтой, үзүүлэлтийн хувьд арай ч бууруу үзүүлэлттэй гар утсыг верту 20,000 ам.доллараар үнэлж байгаа бол компани шинэ загвараа 3500 ам.доллараар тогтоосон байна.

Тансаг зэрэглэлийн BellePerre Touch ухаалаг гар утас энэ сараас эхлэн тусгай захиалгын дагуу худалдаанд гарчээ.