|

МОНГОЛЫН АНХНЫ 3D ХҮҮХЭЛДЭЙН КИНО “МОРА” УДАХГҮЙ НЭЭЛТЭЭ ХИЙНЭ

Мэдээлэл технологийн салбарт анхдагчийн төлөөлөл гэгдэх "Том-Амжилт” компанийн шинэ бүтээл, ирэх сард нээлтээ хийх Монголын анхны 3д хүүхэлдэйн киног танилцуулж байна. 

Хоёр жил гаруй хугацаанд бүтээгдэж Амжилт студын чадварлаг, бүтээлч, хөдөлмөрч залуусын ур ухаан, зүтгэл чармайлтын хүчээр амжилттай бий болсон "Мора” 3D хүүхэлдэйн кино Монголын  технологийн салбарт болон кино урлагт энэ төрлөөр анхны шанг татаж буйгаараа өндөр ач холбогдолтой юм.
 
Амжилт студын ийн анхны бүтээл болох "Мора” хүүхэлдэйн кино нь 1 цаг 15 мин үргэлжлэх бөгөөд .ирэх сард нээлтээ хийхээр товлогдоод байна.  Уг киноны найруулагчаар Найруулагч: Чулуунмөнхийн Отгонбаяр, Продюсер: Жаргалсайханы Шижир, Зохиол: Г.Анхбаяр нар ажиллажээ. "Мора” хүүхэлдэйн кино нь Улаанбаатар хотод өрнөх өнөөгийн амьдралаас сэдэвлэсэн "Том-Амжилт” компанийн анхны зөгнөлт бүтээл гэдгээрээ онцлог юм. Киноны үйл явдал Тэргэл хэмээх өөрөөсөө өөр хүнийг хайрлаж, хүндэлдэггүй зожиг зохион бүтээгч залуу "Мора” гэх нисдэг робот бүтээнэ. Гэвч зохион бүтээгчийн шинэлэг үйлдлийн системд санаархсан Томоо хорон санаа гаргаж, муу бүхнийг үйлдэнэ. Тэргэл, Шүрээ хэмээх бүсгүйд сэтгэлтэй болох боловч киноны үйл явцад "Мора’-ийн үйлдлийн систем алдагдаж, дурлалт бүсгүй нь сураггүй алга болсноор киноны үйл явц маш сонирхолтойгоор үргэлжлэх аж. Энэ бүх ээдрээт асуудлуудын зангилааг хэрхэн тайлж, бүтээсэн робот, дурлалт бүсгүйгээ  аврахыг үзэгч та бүхэн уг киноноос үргэлжлүүлэн үзээрэй.

Уг хүүхэлдэйн киноны дууг Намсрайн Ялалт,Даваадоржийн Нямбаяр, Тэрбишийн Нарангэрэл, Өлзийсайханы Болормаа, Донойн Дэлгэрсайхан, Цэндийн Гомбосүрэн оруулсан бөгөөд хүүхэлдэйн киноны тал дээр амжилт гаргах бүтээл болсныг дурдаж байсан юм. Монгол залуус гадны компаниудын адил хийж бүтээж чадаж буйн жишээг үзэгч авхай та бүхэн энэхүү Монголын анхны бүрэн хэмжээний 3д хүүхэлдэйн киноноос  харах боломжтой.  Монгол Улс хүүхэлдэйн киноны салбарт дэлхийд гарах нэг том алхам хийж буйн тод жишээ энэ бүтээл болж байна. Уран бүтээлч хамт олонд цаашдын уран бүтээлд нь амжилт хүсье.




2768
  • Ихэр Луу Кино Монгол хэлээр Үзсэн   3532 2014-08-09
  • Ерөнхийлөгч Хятад гэдгээ хүлээн зөвшөөрлөө Үзсэн   2423 2015-09-23
  • Андре Игодаула, Леброн Жеймс хоёрын “бүжиг” Үзсэн   903 2018-06-11
  • Авто тээврийн үндэсний төвийн ажилчид "Онцгой дэглэмийн үе"-д ажлын байрандаа архи хэрэглэсэн үү Үзсэн   823 2020-03-16
  • АSK-д донтсон охид Үзсэн   1347 2016-04-11
  • Г.Оюун – Авьяас тэтгэвэрт гардаггүй | 1-р шат | Дугаар 7 | Авьяаслаг Монголчууд 2016 Үзсэн   1064 2016-10-17
  • Аллигатор яст мэлхийн хазалтын хүч Үзсэн   1359 2015-09-15
  • М.Оюунчимэг: Ерөнхий сайд эмэгтэй гишүүд сургууль, цэцэрлэгийн асуудалд... Үзсэн   687 2019-12-19
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.