”Хаан банк”-ны булхай ил болов уу?
Манай улсын иргэдийн ихэнх хувь нь "Хаан банк"-ийг сонгон үйлчлүүлдэг. Өмнө нь тус банкны теллер харилцагчийнхаа данснаас 100 сая төгрөг хувьдаа завшсан хэрэг гарч байсан бол энэ удаад тэднийг шүүхийн байгууллагатай хамтран хууль бус үйлдэл хийсэн хэмээн хуульчид мэдэгдлээ. Тус компанийн хувьцааны дийлэнх хувь нь гадны эзэмшилд байдаг бөгөөд Монгол шүүгчид гадны гар хөл болсон хэмээн дүгнэсэн хуульчид хэвлэлийн бага хурал хийлээ. Тус хурал дээр "Хаан банк" 174 шүүгчид 1%-ийн хүүтэй орон сууцны зээл олгосон бөгөөд шүүхээр орсон 134 хэрэг бүгд тус банкны талд шийдэгдсэн талаар дурдсан ба "Хаан банк танай ажилчдын зээлийг шийдэж өгсөн учир хэргийг нааштай шийдэж өгөөч ээ" гэсэн утгатай албан бичиг явуулж тохиролцоо хийдэг талаар ч мөн дурдав. Өмнө нь шүүгчид хэдэн төгрөгийн авилгал авдаг тухай УИХ-ийн гишүүн Х.Нямбаатар зарлаад авсан удаатай. Тэд ийнхүү авилга авахын зэрэгцээ томоохон компаниудтай тохиролцон хууль бус үйлдэл хийдэг тухай баримт өнөөдөр ийн ил болов. Монголын эдийн засгийг гартаа атгаж буй гэж хэлэхэд хилсдэхгүй тус компани Монгол Улсын Шүүх засаглалыг ч мөн ийн гартаа оруулж дөнгөсөн бололтой. Хэрэв эдгээр зүйлс үнэн бол зээл, үйлчилгээ нэрийн дор өндөр хүүгээр иргэдийг хохироодог тэдэнд одоо хэн хэрхэн хариуцлага тооцох вэ?
Хэвлэлийн бага хурал:
