|

Дайны үед Солонгос эмэгтэйчүүдийг "секс боол" болгож байсныг гэрчлэх анхны дүрс бичлэгийг дэлгэлээ

Дэлхийн хоёрдугаар дайны үед Японы милитаристууд Солонгос эмэгтэйчүүдийг "секс боол” болгон ашиглаж байсныг батлах анхны дүрс бичлэгийг өнөөдөр буюу Лхагва гарагт олон нийтэд үзүүлжээ.

Үүнээс өмнө хятад эмэгтэйчүүдийг боолчилж байсныг гэрчлэх дүрс олдож байсан ч солонгос эмэгтэйтэй холбоотой баримт зөвхөн гар бичмэл, гэрэл зураг хэлбэртэй олдож байсан юм.

1944 онд Хятадын Юннань мужийн Соншань хотод бичигдсэн 18 секундын урттай дүрс бичлэгийг Сөүл хотын захиргаа, Сөүлийн Үндэсний Их сургуулийн судалгааны баг хамтран өнөөдөр үзүүлсэн байна. Судалгааны баг энэхүү баримтыг АНУ-ын Үндэсний Архив, Бичлэгийн газарт хоёр жил ажилласны эцэст олжээ.


Бичлэг дээр Америк-Хятадын хамтарсан хүчний офицер хятад хүн баригдсан эмэгтэйчүүдийн нэгтэй ярилцаж байгаа нь үлдсэн байна. 1944 оны есдүгээр сард АНУ-Хятадын хамтарсан хүч Соншанийг Японы цэргээс чөлөөлөх үед бичлэг хийгдсэн гэнэ.

Багийнхан бичлэг дээр гарч байгаа эмэгтэйчүүдийг гэрэл зурагтай тулгаж, солонгос хүмүүс болохыг тогтоожээ. Нэрийг нь олж тогтоогоогүй ч олзогдсон эмэгтэйчүүдийн нэрсийн жагсаалтад нэр нь байгаа гэж дүгнэсэн байна.

Судалгааны ажлыг Сөүл хотын захиргаа санхүүжүүлжээ. 2015 оны арванхоёрдугаар сард Өмнөд Солонгосын засгийн газар Японтой дайны үеийн "сэкс боолууд”-ын асуудлаар маргаантай тохиролцоо хийсэн нь төв засгийн газраас санхүүжилт авч чадахгүй болгосон юм байна.

Иймэрхүү баримтууд Японы талд ихэвчлэн хадгалагдаж байдаг ч Токио гадаад ертөцөөс нууцалж, ил гаргадаггүй юм.

"Ийм эмгэнэлтэй түүх бичигдэн үлдэж, дурсагдсанаар дахин давтагдахаас сэргийлэгдэх ёстой тул Сөүл хотын захиргаа түүхийн үнэнийг баримтжуулахад бүх хүч, боломжоо зарцуулах болно” хэмээн Сөүл хотын дарга Пак Вон Сун арга хэмжээний үеэр хэлжээ.

1877
  • 7 масктай залуу хувцасаа тайлах үед шүүгчид болон үзэгчид алмайрлаа Үзсэн   4835 2015-01-17
  • Стамбулд, метроны шатанд хүн “хавчуулагджээ” Үзсэн   874 2018-03-28
  • Реппер Rokit Bay-ийн найз бүсгүйтэй танилцаарай Үзсэн   1524 2016-09-20
  • Сүнсний баяраар онцгой нүүр будалттай байхыг хүсвэл үүнийг үзээрэй (video) Үзсэн   791 2016-10-29
  • ёстой инээдтэй хүүхэд Үзсэн   1269 2014-11-12
  • Дасгалаа хийгээрэй ...дагаад хийгээрэй ... Үзсэн   1240 2015-06-15
  • Тарвага нохой хоёрын наадаан хаха Үзсэн   1943 2014-08-10
  • 3D зураг зурах аргыг сураарай Үзсэн   7363 2015-06-19
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.