Брюс Лигийн шийрийг хатаах найман настай хүү

Кунг-Фуг Холливудад таниулсан кино од, тулааны мастер, гүн ухаанч, житкүндог үндэслэгч Брюс Ли өнөөг хүртэл домог болон яригдсаар байна. Түүний үнэнч шүтэн бишрэгч, Японы Нара хотын оршин суугч Руи хүү шилдэг үзүүлбэрүүдээрээ дэлхийд алдаршжээ. Тэрээр дөнгөж наймхан настай ч таван жилийн турш өдөр бүр тасралтгүй бэлтгэл, сургуулилтаа хийж, Брюс Лигийн бүх үзүүлбэрийг чадварлаг дууриадаг болжээ.

Хүүгийн аав нь түүний амжилтад ихээхэн анхаардаг гэнэ. Тиймдээ ч хүүгээ өглөө сургуульдаа явахаас нь өмнө эртлэн босож, тулааны урлаг заадаг бөгөөд тараад ирмэгц нь нунчакугийн дэг журам, өшиглөлтийн техникүүдэд сургадаг байна. Өдөр бүр 4,5 цагаар хичээллэнэ гэдэг хүүд дэндүү ахадсан үзүүлэлт юм. Ингээд хүүгийн үзүүлбэрийг сонирхоцгооё.