Брюс Лигийн хойд дүр тодорсон уу? Афганы Брюс Ли - Аббас Алидза
Итгэхэд бэрх ч үнэн явдал нүүрэн дээр нь бичээстэй болохоор одоо яая
гэхэв. Афганистанд Брюс Литэй усны дусал мэт адилхан нэгэн залуу аж төрж
байна. Түүнийг Аббас Ализада гэх бөгөөд эдүгээ 20-хон настай ажээ.
Аббас нь Брюс Лигийн адил кунг-фуд ч мөн адил амжилт гаргажээ.
Дахин төрөх буюу хойд нас байдаг гэдэг онолд үнэний хувь байдаг байж магадгүй. Юутай ч тэрээр домогт Брюс Литэй үйлийн үргүй адилханы дээр бас кунг-фучин.
Аббас Ализада Кабулд амьдардаг бөгөөд дөнгөж 20 хүрч яваа. Гэхдээ тэрээр кунг-фуд ч мөн адил амжилт гаргаж яваа юм. Харин домогт тамирчинтай эн зэрэгцэх арай л болоогүй нь мэдээж хэрэг.
Аббас өөрөө домогт Брюс Литэй адилхан төрсөндөө маш их бахархадаг ажээ. Тэрээр мөн түүнтэй адилхан дэлхийн аварга болж, дэлхий даяар алдаршин кинонд тоглохыг хүсдэг. Өөрийнхөө ирээдүйг Холливудын жүжигчинээр төсөөлдөг гэнэ.
Афганы Брюс Ли өөрөө бие даан кунг-фу суржээ. Тэрээр үүний тулд их мастерийн видео бичлэгийг л ашигласан гэнэ. Ийм маягаар тэрээр нунчакаар дээд зэргээр тулалдаж суржээ. Учир нь түүний эцэг, эх хүүгээ дугуйланд явуулах ч мөнгөгүй ядуу амьдралтай юм байна. Тэднийх түүнээс гадна есөн хүүхэдтэй өнөр өтгөн гэрбүл юм. Гэхдээ Аббасын аз болоход түүний гадна төрх хийгээд авъяас нь түүнд үнэ хөлсгүй багшлах хүн олоход нь тусалсан гэнэ.
Түүний багшийг Али Кахар гэдэг бөгөөд Афганы Үндэстний Олимпийн хороонд шавийгаа анхааралдаа авахыг хүссэн боловч ямар ч үр дүнд хүрсэнгүй. Энэ нь Афганистаны тогтворгүй байдалтай холбоотой юм.
Залуу хүү Кабулын эвдэрч нурсан ордонд бэлтгэлээ хийдэг. Гэвч зорилгодоо үнэнч энэ залуу хэзээ нэг цагт амжилтад хүрэх нь дамжиггүй.
