Москва хотын таксины жолооч нар хэмх нүдэлдэв
Уржигдар ОХУ-ын нийслэл Москва хотын Добрынинская метроны буудлын гадуур явж байсан хүмүүс Дундад Азийн улс, орнуудаас ирсэн цагаач нарын оролцоотой олныг хамарсан зодооны гэрч болжээ. Тэрхүү зодоонд 40 гаруй хүн оролцсон бөгөөд ихэнх нь таксины жолооч нар байсан гэнэ.
Эхлээд сайн эрчүүд зүгээр ярилцаж байснаа метроны буудлын гадаах талбай дээр үймээн дэгдээж, хоорондоо зодолдож эхэлсэн байна. Төдөлгүй ийш тийшээ бутран оджээ. Хоёр хүн бэртэл авсан бөгөөд нэг нь зодоон болсон газар хэвтсээр үлдсэн гэнэ. Хууль сахиулах байгууллагын ажилтнууд энэ зодооныг зогсоох талаар ямар нэгэн үйлдэл хийгээгүй аж.
