|

Дуучин Ука: Ханийн минь анхны эхнэр надад 2 хүүхдийн хувь заяаг үлдээгээд одсон!

Ганц бие” гэх тодотголоо нэг л өдөр гээж орхиод хүний хань, хүүгийн ээж болоод байгаа "Киви” хамтлагийн ахлагч Д.Уламбаяр буюу Ука ийнхүү өгүүлжээ. Уран бүтээлээс өөр юу ч бодохгүй явсаар нэг л мэдэхэд гучин насны босго давсан тэрбээр хайр дурлалаа олсон даруйд гэр бүлийн амьдралд яарсан гэдэг. Тиймдээ ч хөл хүндтэй байхдаа сонсогч фэнүүдээсээ чамгүй нууцалж, Англи улсад анхны үрээ өлгийдөж авсан юм билээ

Айлын гэр бүл үймүүлж, хүний нөхрийг салгаж суусан гэх олны яриаг эрс няцааж буй дуучин бүсгүй маань "Нөхрөө тэгж дэлгэрэнгүй танилцуулаад яах вэ. Ямар ч байсан сайхан ханьтай болсон. Бидний хайраас дэлбээлсэн хөөрхөн хүүтэй боллоо. Энэ бол амьдралаас надад өгсөн хамгийн гайхалтай бэлэг. Өөрийгөө маш азтайд тооцдог шүү. Миний хань Англид докторын зэргээ хамгаалахаар суралцдаг. Уялдаа холбоо нь тэгж таарсан учраас тэнд хүүгээ төрүүлсэн дээ” хэмээн нэгэн ярилцлагадаа дурдсан аж.
 
Мөн ээж болсноосоо хойш их л уярамтгай, сэтгэл нь зөөлөрч буйг ярихдаа "Төрөнгүүт л ижийгээ боддог гэдэг бас үгүй ээ. За хүүхэдтэй болчихлоо, хүүхэд маань эрүүл саруул байна, ханьдаа, эмч нартаа баярлалаа л гэж бодогддог юм билээ. Харин хоёр дахь, гурав дахь хоногоос шөнө дөлөөр сэрээд л хүүгээ хөхүүлж суухад л ижий минь бодогдож, үгүйлдэг юм билээ.
 
Ээж минь зургаагийн зургаан хүүхдээ ингэж өсгөсөн юм байна шүү гэж ижийгээ хайрлах, санах сэтгэл хамгийн их төрж байлаа. Тэгж бодохоор 9, 10 хүүхэд түүнээс ч олон хүүхэд төрүүлж, өсгөсөн ижий бурхдыг бишрээд ханамгүй. Тэгээд л төрөөд удаагүй байхдаа хань руугаа "Хүүгээ чам шигээ сайн хүн болгож өсгөнө өө. Ирээдүйд хэн нэгэн бүсгүйн сайн хань нь болох учир” гэсэн утгатай мессеж бичиж байлаа” хэмээсэн байна. Өдгөө нэг ой хүрч, ээж аавынхаа хайрын бурхан болж яваа бяцхан хүүдээ дуучин бүсгүй маань Сүбээдэй гэх нэрийг хайрласан гэдэг шүү.

1099
  • Гэрийн нөхцөлд амны хаалт хийх зөвлөмж Үзсэн   889 2020-03-03
  • Жинхэнэ рок барилгачин Үзсэн   1452 2014-09-16
  • Big gut dance-Том гэдэсний бүжиг Үзсэн   1426 2014-08-20
  • ОХУ-ЫН ЕРӨНХИЙЛӨГЧ "КАМАЗ" МАШИН ЖОЛООДОВ Үзсэн   956 2018-05-16
  • Багш таныг дуулъя - дуучин Э.Дашням Үзсэн   749 2021-10-14
  • Эможи киноны трейлер гарлаа Үзсэн   1366 2016-12-21
  • Леброн Жеймс сагсан бөмбөгийн түүхэнд 40 мянган оноо авсан анхны тоглогч боллоо Үзсэн   1066 2024-03-04
  • Хүүхэд хулгайлах хэр амархныг харуулсан сургамжтай туршилт Үзсэн   843 2019-05-19
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.