Хариуцлага, торгуулиас мултрахын тулд тэнгэрийн шувууг хүртэл гүтгэлээ гэж үү?
Өнгөрсөн 7 хоногийн хагас сайн өдөр Улаанбаатар хот даяар цахилгаан тасарч, ажлын өрөөндөө ажиллаж байсан хүмүүс, гэртээ гэрийн ажлаа хийж байсан гэр бүл болон бусад аж ахуйн нэгж, үйлдвэрүүд сандарч, бухимдаж байлаа.
Гэтэл энэ 7 хоногт цахилгаан яагаад тасарсан талаар инээдтэй бөгөөд үнэмшмээргүй яриа олон нийтийн сошиал, хэвлэл мэдээллээр шуугих болов.
Энэ мэдээлэл фээсбүүк хуудсаар ч шэйрлэгдэж байна. Тэнд онцлохдоо "Нэг шувуу үүрээ засахаар төмөр зуун явж байхдаа цахилгааны шугамд хүрснээр цахилгаан тасалдуулан станцийг тэг зогсолтонд оруулжээ. Харин улсад их хэмжээний хохирол учруулан тухайн шувуунд ял оноох гэтэл өнөөх шувуу нь үхсэн учир хэргийг нь хаажээ." гэжээ.
Тэгвэл үүрээ засах гэж төмөр зуун явж байсан шувуу цахилгааны шугамд хүрч, тасарчээ гэдгийг хэн, яаж тогтоосон болж таарах нь вэ? Шувуу нисч байхдаа цахилгааныг тасалж буй видео бичлэг, гэрэл зургийг хэн баримтжуулж авсныг хэн хариулж чадах бол..
Эсвэл хариуцлага, торгуулиас мултрахын тулд тэнгэрийн шувууг хүртэл гүтгэлээ гэж үү? Тэнгэртээ дүүлэн нисч яваа шувууг гүтгэвэл нэг өдөр хилэгнэж, станцыг чинь дэлбэвэл яана. Үгээ бодож, үйлээ цэгцэлж хийж сураасай тэр хүмүүс. Шувуу ч гэсэн та бүхний ярьж байгааг сонсож, мэдэрч байгаа шүү дээ. Ямар ч үйл хийж, ямар ч үг хэлсэн заавал гэрч байдаг гэж бурхны шашинд сургадаг билээ.
