Приянка Чопра, дуучин Ник Жонас нарын нүсэр хурим
36 настай Приянка Чопра 25 настай Ник Жонастай гэрлэсэн байна. Хэвлэлүүдийн мэдээлж байгаагаар Приянка бүсгүй өөрийн дурлалт залуутай хуримаа хэд хоногийн туршид хийсэн аж. Харин тэдний хуримын гэрэл зургууд дөнгөж саяхан л олны хүртээл болсон юм. Гэрэл зургуудыг үзвэл үнэхээр л хэд хэдэн хуримын ёслол болсон мэт сэтгэгдэл төрнө.
Хуримын цагаан даашинзтай яваа зургуудын хажуугаар хиндү хувцастай зургууд нь ч тарав. Чопра, Жонас нар энэ оны тавдугаар сард үерхэж эхэлсэн бөгөөд хэдэн сарын дараа сүй тавьсан гэдгээ мэдэгдсэн юм. Олон хүний хувьд тэдний хуримын ёслол гэнэтийн явдал болсон билээ.
