|

Боксын дэвжээнд эрэгтэй боксчныг сөхрүүлсэн анхны трансжендер тулаанч

 

АНУ-ын трансжендер боксчин Патрисио Мануэль өнгөрсөн бямба гаригт  Хюго Агуилларыг ялснаар түүхэнд бичигдлээ. Тэрээр эрэгтэй боксчныг ялсан анхны трансжендер боксчин бол түүхэнд үлдсэн байна.

Патрисия Мануэль Лос Анжелесийн ойролцоох жижиг хотод өсч торнижээ. Эцэг байхгүй, ээж, эгч, эмээ, хоёр нагац ахтайгаа амьдардаг байсан гэнэ. Трансжендер хүмүүсийн нэгэн адилаар тэрээр багаа с өөрийгөө бусад охидоос гэдгийг мэдэрч өссөн гэнэ.

Тэрээр 17 настайгаасаа боксын спортоор хичээллэж, тэр дороо амжилт гаргаж эхэлжээ. Хүйсийн ялгавартай байдлаас үүдэлтэй таагүй зүйлсээс нь холдуулдаг байсан тул тэрээр бэлтгэлдээ шунан дурлаж, улмаар АНУ-ын аварга цолыг таван удаа хүртжээ. Коллежид ч орсонгүй.

2013 онд тэрээр амьдралдаа маш чухал алхам хийж, эрэгтэй хүн болохоор шийджээ. Тэрээр олон тооны мэс засалд орсны эцэст санасандаа хүрсэн байна. Нэрээ ч Патрисио болгож өөрчилжээ.  

Эрэгтэй болоод тэрээр боксоо хаясангүй. АНУ-д трансжендер боксчдыг эмэгтэйчүүдтэй тоглохыг зөвшөөрдөг. Харин Патрисио эрчүүдтэй тулалдахыг хүсч байв. Калифорнийн спортын комисс 2016 онд түүнд эрчүүдтэй тулалдах зөвшөөрөл өгөв. Харин Патрисио улам даварч, сонирхогчдын түвшинд бус, мэргэжилд хүч үзэхийг хүслээ.  Гэсэн ч албан ёсны өрсөлдөгч олдохгүй  байсан тул нэг хэсэгтээ гудамжны тулаануудад оролцож явсан байна. Энэ хооронд хэд, хэдэн удаа тулаан товлосон ч цуцлагджээ.


"Тэд намайг эмэгтэй хүн байсныг мэдээд л тулаанаа цуцалдаг байсан. Үнэндээ бол тэд ялагдахаас л айсан гэж би боддог” хэмээн Патрисио ярьж байна. Гэхдээ үнэн хэрэгтээ бол эмэгтэй хүн байсан гэдгээс гадна санхүүгийн төлөвлөгөө байгаагүй нь тулаан зохион байгуулахад саад болж байсан аж. Эцэст нь тэрээр Лонг Бич хотын ЛГБТ төвөөс санхүүжилт олж авснаар түүхэнд үлдэх тулаанаа хийх боломж бүрджээ.


Патрисиогийн өрсөлдөгч нь Мексикийн Хюго Агуиллар гэгч бөгөөд өмнө нь мэргэжлийн дэвжээнд таван тулаан хийж, бүгдэд нь ялагдсан нэгэн байв. Гэсэн ч энэ нь түүхэн ялалтын үнэ цэнийг буруулахгүй гэдэг нь мэдээж юм.         

Ялсныхаа дараа Патрисио өөртэй нь яг эр хүн шиг тулалдсан өрсөлдөгчдөө талархал илэрхийлээд "Энэ бол зөвхөн эхлэл. Би эргэж ирнэ” хэмээн баяртайгаар өгүүлжээ.


 

Eagle.mn
181
  • Монголын 1913-1968 оны түүхэн ховор бичлэгүүд Үзсэн   563 2018-08-20
  • Youtube marketing Үзсэн   702 2014-08-25
  • Монгол тамирчдын сүлд дуу "Бид эх оронтойгоо хамт" дууны видео клип цацагдлаа Үзсэн   524 2016-06-08
  • Архангельск Экс хотын дарга худалдааны төв рүү машинтайгаа оржээ Үзсэн   310 2017-04-11
  • БУСДАД ТУСЛАЦГААЯ-КАПИТАН АМЕРИК ОРОН ГЭРГҮЙ ХҮМҮҮСИЙГ ХООЛЛОВ. Үзсэн   827 2014-08-04
  • Хөгжилтэй бичлэг Үзсэн   2173 2014-07-23
  • Болд - Нүд чинь хайр харуулна Үзсэн   521 2014-08-13
  • Б.Жаргалсайхан телевизийн студид танхайрч сэтгүүлчид гар хүрчээ Үзсэн   1448 2015-05-05
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.
    Нэр:*
    И-мэйл:
    Сэтгэгдэл:
    Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
    • Огноо: 2018-12-17
    • Бичсэн: Зочин
    http://StartWeeklyJob.com/?userid=138871