Бред Питт "сансарт ниснэ"

Жүжигчин Бред Питт энэ жил уран бүтээлийн олз омог ихтэй байна.Өнгөрсөн сард Канны кино наадамд танилцуулсан найруулагч Квентин Тарантиногийн "Холливуудад нэг удаа" кинонд тэрээр Леонардо Ди Каприогийн хамт гол дүр бүтээсэн.Үзэгч, шүүмжлэгчийн зүгээс багагүй хүлээлт үүсгэж байгаа уг бүтээл албан ёсоор ирэх долдугаар сард нээлтээ хийх юм.

Тэгвэл Питтийн тоглосон дараагийн кино болох "Ad Astra буюу Оддын зүгт" трейлерээ цацлаа.Энэ удаад тэрээр харь гарагийн соёл иргэншлийг хайж хорин жилийн тэртээ сураг алдарсан эцгийгээ олохоор сансарт нисэж буй Рой Макбрэйд хэмээх нисэгчийн дүрийг бүтээжээ.Бред Питтэй цуг уг кинонд Лив Тайлер, Томми Ли Жонс, Рут Нега, Дональд Сазерленд нар дүр тоглосон байна.