Audi компани зургаан шинэ загвар танилцуулна
Эдгээр загваруудын заримыг бид есдүгээр сарын Франкфуртын авто үзэсгэлэнгээс олж харах боломжтой. Эхний хоёр загварын зургаас харахад таван цилиндртэй, 400 орчим морины хүчтэй, 2,5 литрийн эзэлхүүн бүхий бензинийн турбо хөдөлгүүрээр тоноглогдох бололтой.
Дараагийн шинэ машин болох RS7 Sportback загварыг 2017 оны туршилтаас мэдэх болсон. Дөрвөн литрийн эзэлхүүнтэй, 600 морины хүч гаргах твин-турбо V8 хөдөлгүүртэй гэсэн таамаг бий. Бас цахилгаан хувилбартай тэр нь 700 морины хүч гаргана хэмээн яригдаж байна.
Аль эрт туршилтаар тодорхой болсон RS6 Avant гэсэн загвар байгаа.Үүнийг Mercedes-Benz маркийн загварууд AMG E63 ба E63 S Estate зэрэгтэй өрсөлдүүлэхээр Audi бэлтгэж байж магадгүй юм. Хэрэв тэр нь үнэн бол шинэ загварыг RS7 Sportback-ийн хөдөлгүүрээр тоноглох байх.
RS бүлийн тэргүүлэх загвар нь Q8-ийн шинэчлэгдсэн хувилбар байх болов уу. Компани үүнийг 2017 оны Женевын авто салон дээр Q8 Sport концептийг үзүүлэхдээ зарлаж байсан билээ.Тоноглолынх нь талаар тодорхой мэдээлэл байхгүй.
Зургаа дахь загвар нь RS4 Avant- ын шинэчилсэн хувилбар байх магадлал өндөртэй. Учир нь A4 цувралын бусад загварууд бүгд шинэчлэгдсэн байгаа. Гэхдээ онцын өөрчлөлт нэг их гарахгүй биз.
Шинэ машинуудын эхний хэсгийг удахгүй Франкфуртын авто үзэсгэлэн дээр танилцуулна. Гэхдээ Audi зарим загвараа Лос-Анжелесийн авто салоны үеэр дэлгэх бололтой.
