|

Беларусийн идэвхтэн шүүх хурлын үеэр хоолойгоо зүсжээ

Беларусийн идэвхтэн Степан Латыпов нийслэл Минск хотод болсон шүүх хуралдааны үеэр өөрийнхөө хоолойг зүссэн гэж орон нутгийн хүний эрхийн байгууллага болон сөрөг хүчний хэвлэлүүд мэдээлжээ.

Тэрээр үзэг мэт зүйлээр хоолойгоо зүссэн бөгөөд дараа нь ухаан алдсан гэж шүүхийн танхимд байсан гэрчүүд мэдээлсэн байнаАлбаныхан түүнийг яаралтай эмнэлэгт хүргэсэн бөгөөд хагалгааны дараа биеийн байдал нь сайн байгаа гэж тэмдэглэсэн байна.

Хууль хяналтынхан Латыповыг сөрөг хүчний олон нийтийн сүлжээ байгуулсан хэргээр өнгөрсөн оны 9 дүгээр сард баривчилсан бөгөөд дараа нь цагдаа нарыг эсэргүүцсэн хэргээр нэмж буруутгажээ. Гэвч тэрээр бүх хэргийг няцаасаар байгаа юм.

Өнгөрөгч мягмар гарагт болсон шүүх хуралдааны үеэр түүний аав гэрчийн мэдүүлэг өгсөн бөгөөд үүний дараа Латыпов өөрийгөө гэмтээсэн гэж Беларусийн "Виасна" хүний эрхийн байгууллага мэдээлжээ. Үүнээс өмнө тэрээр аавдаа хандан "Аав аа, цагдаа нар намайг хэрвээ хэргээ хүлээхгүй бол харгис хэрцгий гэмт хэрэгтнүүдтэй хамт хорьж хамаатан садан, хөршүүдийн минь эсрэг эрүүгийн хэрэг үүсгэнэ гэж сүрдүүлсэн" хэмээн хэлжээ.   Ингээд Латыпов сандал дээр гарч зогсоод, нэгэн цагаан зүйл амандаа хийгээд, шууд хоолойгоо зүсэж эхэлсэн гэж шүүхийн танхимд байсан түүний найз ярьсан байна. Түүнчлэн хамгаалалтын ажилтнууд түүний торны түгжээг тайлахад маш их хугацаа зарцуулсан гэж гэрчүүд мэдүүлжээ. 


Эх сурвалж: BBC

772
  • Н.Энхбаярыг буудахыг завдсан этгээдийг барьжээ Үзсэн   3168 2014-07-15
  • "Aчийг тусаар хариулна" хүүхдийн дууны клип 2011 Үзсэн   1910 2014-08-09
  • Замбуу тив хамтлаг - Уртын дууны трио | 1-р шат | Дугаар 7 | Авьяаслаг Монголчууд 2016 Үзсэн   939 2016-10-17
  • Хэвлэл мэдээллийн редакциуд УЕП Б.Жаргалсайханд Хөгжлийн банкны асуудлаар шаардлага хүргүүлж байна Үзсэн   1115 2022-03-22
  • Өнөөдөр "Алтан ус" нээлтээ хийнэ Үзсэн   1718 2014-11-21
  • Олон залуусын амийг авсан Сайхан хүүхнийг чад хийлгэсэн Сайхан залуу Үзсэн   3577 2014-08-11
  • Баруунд бодит байдал дээр ардчилал, хэвлэн нийтлэх эрх чөлөө байхгүй ээ Үзсэн   1967 2014-10-29
  • М.Нандинцэцэг ДАШТ-ээс медаль хүртсэн анхны боксчин боллоо Үзсэн   949 2018-11-23
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.