|

С.Мөнхчулуун: Үндэслэлгүйгээр зээлийн шимтгэл авсан банкуудаас иргэд мөнгөө буцаан авах боломжтой

Арилжааны банкууд иргэдэд зээл олгохдоо 0.5-1 хувийн шимтгэл тооцож авдаг. Гэтэл энэхүү шимтгэлийг үндэслэлгүйгээр авч, хууль зөрчиж байсныг Шударга өрсөлдөөн, хэрэглэгчийн төлөө газраас хийсэн хяналт шалгалтаар тогтоожээ. Улмаар ШӨХТГ-аас 9 банкинд тус бүр 20 сая төгрөгийн торгууль ногдуулж, 30 хоногийн хугацаатай албан даалгавар хүргүүлээд байгаа юм.

ШӨХТГ хяналт шалгалтыг анх бүх төрлийн зээл дээр авч буй 1 хувийн шимтгэлийн хүрээнд эхлүүлсэн боловч зөрчлийн хэрэг нээх шаардлага үүссэн учраас тодорхой хугацаандаа багтаж гүйцэтгэхийн тулд шалгалтын хүрээг хумьж ипотекийн зээл гэсэн нэг ангилал дээр ажиллажээ. Гэхдээ цаашид бүх төрлийн зээлийн шимтгэлийг үндэслэлтэй тогтоо гэдэг шаардлагыг тавьж ажиллах юм. Банкууд зээлийн шимтгэлийн хэмжээгээ тогтоохдоо үндэслэлээ ил тод нээлттэй мэдээлэх үүрэг хүлээдэг байна. Одоогоор дээрх банкуудаас ямар нэгэн мэдээлэл өгөөгүй учраас иргэд шимтгэл төлөх шаардлагагүй гэлээ.

Мөн тухайн банкуудад өмнө нь үндэслэлгүйгээр шимтгэл төлж зээл авсан иргэд мөнгөө буцааж авах боломжтой гэдгийг ШӨХТГ-ын дарга С.Мөнхчулуун хэлж байна. Гэхдээ банкуудын зүгээс ШӨХТГ-ын шийдвэрийг хүлээн зөвшөөрөхгүй гэдэг байр суурийг илэрхийлж байгаа юм байна. Тэгэхээр энэ асуудал эцэслэн шийдвэрлэгдсэн үед буюу тухайн банк ШӨХТГ-ын шийдвэрийг хүлээн зөвшөөрч байгаа тохиолдолд иргэн зээл авсан банкиндаа хүсэлт гаргаад мөнгөө авах боломжтой болох юм байна.

542
  • Т.Анхбаяр: Жинхэнэ эр хүн гурван шанаа даадаг байх ёстой Үзсэн   779 2020-12-10
  • Казахстаны хамгийн хүчирхэг хоолойтой дуучны нэгээр нэрлэгдсэн 22 настай залуу Үзсэн   1067 2017-07-28
  • АНДРЕЙ ЗИММЕРНЫ ӨВӨРМӨЦ ХООЛНЫ НЭВТРҮҮЛЭГ - ТАЙВАНЬ Үзсэн   2184 2014-07-26
  • Х-ТҮЦ - Гэнэтийн од | Цоо шин хошин шог 2014 Үзсэн   1552 2014-11-10
  • О.Батнасан, Г.Атарбат – Хөтлөгчдийн алтан баззер | 1-р шат | Дугаар 7 | Авьяаслаг Монголчууд 2016 Үзсэн   1519 2016-10-17
  • Цензургүй яриа: Ерөнхийлөгчийн тамгын газрын дарга З.Энхболд оролцлоо Үзсэн   1220 2018-03-20
  • Цензургүй Яриа - Унагалдай Үзсэн   1081 2016-12-27
  • П.Банзрагч: Иргэд барааны үнэ асуугаад толгой сэгсрээд л буцах Үзсэн   519 2022-01-15
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.