|

19 дэх жилдээ "ТОП-100" ААН-ээр шалгарсан "АПУ ХК" экспортын өсөлт, тэлэлтийг чухалчилж байна

19 дэх жилдээ "ТОП-100" ААН-ээр шалгарсан "АПУ ХК" экспортын өсөлт, тэлэлтийг чухалчилж байна

 

99 жилийн түүхтэй "АПУ" ХК нь Монгол Улсын "ТОП 100” компанийн нэгээр 19 дэх жилдээ дараалан шалгараад байна. 2022 оны тухайд АПУ ХК экспортын хурдасгуур төслүүдээ эрчимжүүлж, БНСУ-д бүтээгдэхүүнээ GS 25 сүлжээ дэлгүүрээр нийлүүлэх, АНУ-д цахим худалдааны платформд нэгдэх зэргээр эрчимтэй хүчин чармайлт гаргаж ажиллаа.

Мөн нийгмийн шинж чанартай хөрөнгө оруулалтад анхаарч сүү, сүүн бүтээгдэхүүний импортыг орлох, малчдын амьжиргааг дэмжих, орон нутгийн хөгжлийг дэмжих зорилготой "Монгол Сарлаг – Гэр үйлдвэрлэл” төсөл, удахгүй нээлтээ хийх "Бяслагын үйлдвэр”-ийн төсөл тэргүүтэй хүн амын эрүүл мэнд, эдийн засгийн шинэ боломж, өгөөж бий болгосон ажлуудыг эхлүүллээ.

АПУ ХК нь улс орны эдийн засагт хувь нэмрээ оруулж, 2022 онд Монгол Улсын төсөвт нийт 400 гаруй тэрбум төгрөгийн татвар төлж, өнгөрсөн жилээс 9%-иар өсгөж, Шилдэг татвар төлөгчдийн нэгээр шалгарсан.

Мөн Тогтвортой хөгжлийн бодлогоо эрэмбэлэн тодорхойлж, нийгэм, байгаль орчинд ээлтэй, хариуцлагатай хэрэглээг түгээх чиглэлээр төсөл, хөтөлбөрүүд хэрэгжүүлж байна. Тухайлбал, соёлтой, хариуцлага хэрэглээг таниулах чиглэлд "Гайхамшигт жолооч – Уусан бол жолоо барьдаггүй” хөтөлбөрийг төр-хувийн хэвшлийн хамтын ажиллагааны хүрээнд хэрэгжүүлж байна. Хог хаягдлыг менежментийг сайжруулах чиглэлд шилний дахин хэрэглээг нэмэгдүүлэх зорилгоор харилцагч, түншүүдтэйгээ хамтран "Чи-Чадна – Шилээ дахин амьдруулъя” төслийг хэрэгжүүлж ажиллаа.

2004 оноос хойш Монгол Улсын засгийн газар, Монголын Үндэсний Худалдаа Аж Үйлдвэрийн Танхим (МҮХАҮТ) хамтран Монголын том аж ахуй нэгжүүдийг жил бүр шалгаруулдаг уламжлалтай. Монголын хүнсний манлай үйлдвэр хийгээд олон улсад танигдсан брэнд бүтээгдэхүүнүүдийг үйлдвэрлэдэг 99 жилийн түүхтэй АПУ ХК-ийн хувьд улс эх орныхоо өмнө хүлээсэн үүргээ ухамсарлаж, татвар төлөлтөөрөө манлайлж "ТОП 100” компанийн нэгээр 19 дэх жилдээ дараалан шалгараад байна. Үүгээр зогсохгүй АПУ групп 4 компани 7 жил дараалан уг шагналыг хүртээд буй.

361
  • САЙХАН МЭДЭЭ: Б.Шижирбатын үзүүлбэр дэлхийд танигдаж эхэллээ Үзсэн   948 2016-11-22
  • Хaха хөгжилтэй нэвтрүүлэг шүү Үзсэн   1291 2015-04-30
  • NBA-ын өнгөрсөн долоо хоногийн шилдэг 5 хөгжилтэй агшин Үзсэн   1020 2016-01-15
  • Тэнэгтэж чадахымаа бас хаха Үзсэн   839 2015-09-19
  • Funny Cats Fanny Dogs Funny animals 2014 Үзсэн   1878 2014-07-16
  • Шөнийн хатан хаан Солонгос инээдмийн кино Монгол хэлээр Үзсэн   29882 2014-07-16
  • АНУ ДЭЛХИЙН III ДАЙН ӨДӨӨХӨӨР ОРОЛДОЖ БАЙНА! Үзсэн   768 2016-10-24
  • Үнэхээр гайхалтай Movement Designers Үзсэн   756 2015-06-16
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.