Рок хөгжмөөр чимэглэсэн яруу шүлгийн анхны клип дэлгэцнээ гараад удаагүй байна. Энэхүү клип яруу найрагч Жадамбын Батцэцэгийн "Арвай буудай мэт” нэртэй шүлэг, "Хурд” хамтлагийн соло гитарчин хөгжмийн зохиолч МУГЖ Д.Отгонбаярын "Чамайг санана” хэмээх рок аялгууны хамтаар олны хүртээл болоод байгаа нь үзэгчдийн таашаалд ихэд хүрээд байна. Учир нь урд өмнө ийм яруу найраг, хөгжмийн хамтарсан клип гарч байгаагүй юм. Клип нь зураг авалт, эвлүүлгийн хувьд ч шинэлэг төдийгүй дэлгэцийн урлагт нэгэн содон хуудас нээлээ гэж хэлж болно. Уг бүтээл нь "Андерсен” студийн найруулагч Д.Баттулгын бүтээл юм.
