Ирина Шейкийн амралтын сониноос

Оросын алдарт загвар өмсөгч 29 настай Ирина Шейк ээжийн хамт Мексикийн Канкунд амарч байна. Тэрээр том малгай, нарийхан эрээн бикини өмсч, том ногоон алчуураар биеэ халхалжээ.

Ирина ээжтэйгээ оройн хоолонд хамт орж байгаа зургаа инстаграммдаа тавин: "Ээжтэйгээ хамт Маяанд хооллож байна ” гэж хуваалцжээ. Тэрээр нилээн борлосон бөгөөд цагаан даашинз өмсч, ягаан цэцэг зүүсэн нь түүнийг маш үзэсгэлэнтэй харагдуулж байв. Кристианогоос салаад удаагүй түүнд энэ амралт тайвшрал авчирч буй нь лавтай.

Тэрээр 5 жил үерхсэн экс найз залуу Кристиано Роналдогоос салсны дараа өгсөн нэгэн ярилцлагадаа: "Миний хувьд төгс эр хүн гэдэг бол үнэнч, шударга, зөв хүмүүжилтэй жентельмэнийг л хэлнэ. Тэд эмэгтэйчүүдтэй яаж харилцахаа маш сайн мэддэг. Харин хамтдаа байхдаа аз жаргал мэдрэхгүй байгаа тэр хүнд би итгэж найдаж чадахгүй. Ер нь тиймэрхүү хүмүүсийг эрчүүд гэж хэлэхэд хэцүү, хөвгүүн гэвэл илүү таарна. Би төгс эр хүнээ олчихлоо гэж бодож явсан. Гэвч тийм биш байлаа. Буруу хүний дэргэд байхдаа эмэгтэй хүн өөрийгөө сайхнаар мэдэрч чаддаггүй байх. Би царай муутай, бас өөртөө итгэлгүй гэж мэдэрдэг байсан” хэмээн Ирина Шейк ярьсан байна.

С.Энэрлэн