Их аварга Дагваагийн содон хобби

Манай улстөрчид, бизнесмэнүүд анд ихэд хорхойтой байдаг бөгөөд нэн ховордсон амьтдыг агнасан талаараа олонд "гайхуулах" дуртай.

Тэгвэл олны танилууд дундаасаа нэлээд дэггүйд тооцогддог их аварга Д.Дагвадорж саяхан нэгэн өвөрмөц хоббигоо олонд дэлгэлээ. Хамгийн сонирхолтой нь, тэрбээр амьтны аминд хүрч, нэн ховор ан агнаснаа гайхуулсангүй. Харин ч Монголд нэн ховордоод буй тул загасыг тэжээж, өсгөн үржүүлэх ажилд хувь нэмэр оруулж байгаа аж.

Тэрбээр нэгэн голыг сар бүр зорин очиж, тул загаснуудыг нь хооллодог бөгөөд "хулгайн" загасчдаас сэрэмжилж, уг голынхоо нэрийг олноос нууцалсан юм.