"Ханаж цаддаггүй" Ш.Сайхансамбуугийн шунал хэрээс хэтэрч иргэдийн газар луу дайрав уу?

"САЛААВЧ” Ш.Сайхансамбуу гэж нэгэн баян тарганаараа гайхуулсан этгээд бий. Тэрээр Нарантуул захын олон худалдаачдын хөлс хүч, эрүүл мэндийг сорж өдий зэрэгтэй болсоныг хэн хүнгүй мэднэ. Боксын холбооны тэргүүн ч билүү болоод түүгээрээ далимдуулж Олипын ордоны архан талд хотын А зэрэглэлийн бүсэд орон сууцны хэд хэдэн хороолол ч сүндэрлүүлэхээр том газрыг авч байшин барьж баар нээж амьдрах болсон сүйхээтэй эр ч гэдэг.

"Баян хүнийг балаг тойрдоггүй" гэгэдгчлэн хүүхэд нь хар тамхины хэрэгт холбогдож, SS club гэх бааранд нь хүмүүс

хоолонд хордож, зах нь шатаж, хүний амь нас хүртэл үрэгдсэн хар бараан мөр нь балрахгүй их гэх…

Гэтэл өнөөдрийн хямрал гээд хэн хүнгүй мөнгөний гачаалд орсон энэ үед өнөөх баян Сайхансамбуу барилга байшин барьж барагдахгүй их мөнгөтэйгөө гайхуулах гэсэн бололтой. SS club, амьдардаг байрныхаа үүдэн хэсгийн орон сууцны дэргэдэх газрыг хааж барилгын ажил эхлүүлэхээр машин техник авчирч бужигнуулж эхэлжээ.

Хоёр 10 давхар орон сууцны олон зуун оршин суугчид замыг нь хааж гудамжийг нь таглаж барилга барихыг эсэргүүцэж үгээ хэлж тэмцэж эхэлсэн бөгөөд мөнгөтэй хүний өмнө хүчин мөхөсдөж байгаагаа учирлаж байсан.

Өчнөөн олон барилга барих том газарт ганц жижиг хувийн сууц бариад сууж байж бас хажуу хавиргадаа шунаж байдаг түүнийг иргэд жигшин зэвүүцэж толгой сэгсэрч байгаа аж. Мөн сөөм ч газар үлдээлгүй баян тарган эрх мэдэлтэй хүмүүст өгч байгаа газрын алба нийслэлийн удирдлагуудыг гайхаж байгаагаа хэлсэн.

Энэ асуудалд хотын дарга Э.Батүүл анхаарал хандуулж иргэдийнхээ эрх ашгийг хамгаалсан шийдвэр гаргаж энэхүү үйлдлийг таслан зогсооно гэдэгт найдаж байна.

Дараах бичлэг, баримт бичгээс та дэлгэрэнгүй мэдээллийг авна уу.

Э.Намуун