|

Элтон Жон Оросын ерөнхийлөгчтэй жич уулзахыг шаарджээ

Английн нэрт дуучин Элтон Жон ОХУ-ын ерөнхийлөгч Владимир Путинтэй хэлэлцээр зохион байгуулж, ерөнхийлөгчийн ижил хүйстнүүдийн тухай баримталдаг үзэл бодлыг нь хөндсөн яриа өрнүүлэн түүнтэй мэтгэлцэхийг хүссэн байна.

Элтон Жон Оросын гей, лесби хүмүүст ханддаг нийгмийн олонхын хандлагыг "ялгаварлан гадуурхсан, жигшиж зэвүүцсэн, бүр инээд хүрмээр” хэмээн шүүмжилж, үүнийгээ улсын ерөнхийлөгчтэй шууд холбон үзэж байгаагаа илэрхийлсэн аж.

 

ОХУ 2013 оны 6 сард ижил хүйстнүүдийн эсрэг хууль батлан, түүнийгээ хүүхэд багачуудад ухуулга маягаар сурталчилж олон улсын эгдүүцлийг хүргэж байжээ. Мөн өнгөрсөн жил Сочид болсон өвлийн Олимпийн өмнөхөн ерөнхийлөгч Путин гей тамирчдыг "санаа зовох зүйлгүй ирж болно харин хүүхэд багачуудтай ойртохгүй байвал зүгээр” гэж хэлсэн нь зарим нэг улс болох Их Британи, АНУ, Германы ижил хүйстэн тамирчдыг олимпт оролцохоос татгалзахад хүргэсэн юм.

Дуучин өөрөө хоёр хүү (дөрвөн настай Закари, хоёр настай Элаяжа) нөхөр Дэвид Фурнишийн хамт амьдардаг билээ. Тэрээр саяхан Украйнд болсон хурлын үеэр улсын удирдагч Петро Порошенкогоос туслалцаа авч Лесби, Гей, Бисексуал, Трансжендэр хүмүүсийн эрхийг (LGBT rights) хамгаалах үүднээс чуулган дээр үзэл бодлоо илэрхийлэх боломж олджээ.

 

Үүний дараа BBC агентлагт өгсөн ярилцлагандаа "Оросын ерөнхийлөгч хүлээн зөвшөөрөмгүй этгээд зүйлүүдийг хэлсэн. Ийм том гүрний удирдагч, дэлхийн хүн атал хүний үндсэн эрхийг хүлээн зөвшөөрдөггүй нь үнэхээр сэтгэлд нийцэмгүй явдал. Би ноён ерөнхийлөгчтэй тулж ярьмаар байна. Магадгүй миний энэ шаардлагыг үл тоомсорлон инээгээд л өнгөрөх байх. Гэхдээ ядаж л түүнийг мэтгэлцээнд урьсан гэдэг бодол маань намайг тайтгаруулах болно” гэжээ.

 

Олны танил "Rocket Man” дуучин instagram дээрээ бичихдээ "Киевд болсон YES Ukraine 2015 чуулганы үеэр Украйны ерөнхийлөгч Порошенкотой уулзсан. Би түүнтэй Гей, Лесби, Бисексуал, Трансжендэр хүмүүсийн эрхийг хамгаалах тал дээр хууль зүйн өөрчлөлтүүд оруулах талаар ярилцсан. Үүнд, нэгд ажлын байран дах арьс өнгө, хүйсийн ялгаварлан гадуурхал дээр хориг тавих, хоёрт ялгаварлан гадуурхалыг эсрэг холбогдох эрүүгийн хуультай болох тал дээр анхаарал хандуулах, мөн Украйны томоохон бизнесмэн болон удирдлагуудыг энэхүү асуудалд илүү нээлттэй байхыг уриалсан” гэжээ.

811
  • Алаг мэлхий наадгайд хожсон хүн тэр жилдээ аз хийморьтой байна гэж үздэг Үзсэн   1156 2018-02-15
  • Оросын флотын хөлөг онгоц Адены буланд Сомалийн далайн дээрэмчдийн завийг устгаж байгаа нь Үзсэн   2017 2014-11-27
  • Танд ийм зүйл тохиолдвол яах вэ? Үзсэн   1201 2015-04-02
  • 2011 оны Японд болсон аймшигт цунами Үзсэн   1597 2015-06-23
  • Бейрут хотод ширүүн мөргөлдөөн болов Үзсэн   583 2019-12-16
  • Xтүц - Сүхбаатар Үзсэн   1187 2015-01-07
  • ВИДЕО: Дэлбэрэлтэд өртөж амиа алдсан жирэмсэн эхээс хүүхдийг нь эсэн мэнд эх барьж авчээ Үзсэн   818 2016-08-25
  • Бичлэг: Ж.Нарантунгалаг VS М.Гафуроф Үзсэн   899 2015-11-23
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.