Адель N’Sync-ийг ”дарамтлав” (видео)

Британийн дуучин бүсгүй шинэ дуу бичүүлж гаргатал хэдэн сая хүн түүнийг нь сонсож, уг дууных нь клипыг бараг хагас тэрбум орчим удаа үзэж сонирхсон бөгөөд энэ тоо нэмэгдсээр байгаа юм. 

Тэгвэл одоо дуучин Аделийн шинэ цомог болох "25” түүнийг дахиад л дээд амжилт тогтоогчдын эгнээнд аваачих гэнэ. Энэ цомог борлуулагдсан тоогоороо тэргүүлж байгаа аж. "25” гэдэг цомог хоёрхон хоногийн дотор АНУ-д 1.9 сая хувь борлогджээ. Харин дэлхий даяар хоёр сая гаруй ширхэг худалдаалагдсан байна. 

Ийнхүү Адель дуучин Жастин Тимберлэйкийн дуулдаг байсан N’Sync хамтлагийн тогтоосон дээд амжилтыг эвдэх бололтой. Тус хамтлаг 2000 онд ганцхан долоо хоногийн дотор 2.4 сая цомог худалдаалж байсан билээ.