“Барса” клубүүдийн дэлхийн аваргын финалд үлдлээ (Тойм бичлэгтэй)

Клубүүдийн дэлхийн аварга шалгаруулах тэмцээний хагас шигшээ шатанд учраа таарсан Испанийн алдарт "Барселона” болон Хятадын "Гуанжоу Эвергранд” багийн тоглолт өчигдөр боллоо. Энэхүү тоглолтод "Барса” өрсөлдөгчөө 3:0-ээр буулгаж авч, финалд үлдээд байна.

Тоглолтын 39, 50, 67 дахь минутад Суарез гурван гоол оруулж, багаа финалд үлдээж байгаа юм.  Мөн тэрбээр Клубуудын Дэлхийн Аварга Шалгаруулах Тэмцээнд хет-трик хийсэн анхны хөлбөмбөгчин болж түүхэнд нэрээ үлдээж чадлаа. "Барса” финалд  Японы "Санфрече Хирошима”-г буулган авсан Аргентины "Ривер Плейт” клубтэй тоглоно.