Хайртууд хамар доорхи дээрмийг харсангүй (видео)

Америкийн Монтана мужид тун ч эвгүй дээрмийн хэрэг гарсан байна. Биллингс гэдэг жижиг хотын нэгэн уушийн газрыг зэвсэглэсэн этгээдүүд дээрэмджээ. Яг тэр үеэр тэдний хажууханд байсан гэрчүүд энэ айхтар үйлдлийг огт анзаараагүй гэнэ шүү. Зэргэлдээх дэлгүүрийн хяналтын камер дээрэм гарсан үйлдлийг баримтжуулж авсан аж.

Бичлэг дээр хоёр эрэгтэй, нэг эмэгтэй хүнээс бүрдсэн багтай гурван дээрэмчин дотогш нэвтрээд бармэн эрийг сүрдүүлж байгаад байсан бүх бэлэн мөнгийг нь аваад юу ч болоогүй юм шиг гарч одож буй нь харагдана. Яг хажууханд нь байсан нэгэн залуу хос янаг гэгч үнсэлцэж байсан бөгөөд юу болоод өнгөрснийг анзаараагүй байна.