Олон нийтийн газар дотно харилцаанд орж байгаад баривчлагджээ

Америкийн жуулчин гэгээн цагаан өдрөөр олон нийтийн газар эмэгтэй хүнтэй дотно харилцаанд орсон хэргээр Тайландад баривчлагдсан талаар Бангкок Таймс мэдээллээ. Паттаяа хотын нэгэн цэнгээний газрын үүдэнд 49 настай Бен Бартани гэгч жуулчин 20 гаруй насны эмэгтэйтэй бэлгийн харилцаанд орж буй ёс бус бичлэг онлайнаар тарж, шуугиан дэгдээгээд байна. Үүний улмаас үл хөдлөх хөрөнгийн брокер мэргэжилтэй Б.Бартанийг олон нийтийн газар зүй бус аашилсан хэмээн орон нутгийн цагдаагийнхан барьж саатуулжээ.

Гар утсаар хийсэн бичлэгт Бен Бартани нэгэн бүсгүйг гудамжинд дагуулан явж байгаад төмөр хашлага дээр хэвтүүлэн дотно харилцаанд орж эхэлсэн бөгөөд хоёр дахь эмэгтэй гарч ирэн дургүйцлээ илэрхийлж, тэдэнрүү ус цацаж байгаа нь харагдана. Бартанигийн хамтрагч эмэгтэй бааранд ажилладаг бөгөөд тухайн үед болсон явдлыг санахгүй байгаагаа цагдаагийнханд учирлаж, бичлэгийг үзсэнийхээ дараа Америк жуулчингийн эсрэг гомдол мэдүүлсэн байна.

Ямартай ч уг бичлэг дээр гарсан этгээд өөрийгөө мөн гэдгийг Б.Бартани хүлээн зөвшөөрч уучлалт гуйгаад байгаа аж. Гэхдээ тэрбээр эмэгтэйтэй дотно харилцаанд орохдоо ямар нэгэн байдлаар хүч хэрэглээгүй, харилцан тохиролцсон гэж мэдэгдээд байгаа юм байна.

С.Дамдин