Леброн Жеймс амьд домог болж, Cleveland анхны аваргын цомоо хүртлээ

Хоёр жилийн өмнө Cleveland Cavaliers багт чөлөөт тамирчнаар хүрэлцэн ирсэн Леброн Жеймс удаан хугацаанд аварга болж чадаагүй Кливлендийн хөгжөөн дэмжигчдэд анхны NBA-ын аваргын цомыг авч ирлээ.

Golden State Wariors-ын эсрэг хийсэн тоглолтын эцэст Леброн Жеймс өөрөө түүхэнд нэрээ үлдээж, багтаа аваргын цомыг авч ирсэн юм.

Cleveland Cavaliers баг шийдвэрлэх долоо дахь тоглолтыг 93-89-ийн харьцаагаар өндөрлүүлсэн юм. Түүнчлэн Кливлендийн баг 1964 оноос хойш анх удаа томоохон спортын тэмцээнээс аваргын цом хүртэж буй энэ.

ЛеБрон Жеймс финалын цувралын түүхэнд хоёр багийн БҮХ ТОГЛОГЧДЫГ оноо, самбар, дамжуулалт, таслалт, блок гэсэн үндсэн 5 үзүүлэлтээр тэргүүлсэн анхны бөгөөд цор ганц тоглогч!

Тэрээр өөрийн карьерийн түүхэндэх хамгийн гайхалтай тоглолтод оролцож 27 оноо авч, 11 удаа хариу довтолгоо хийсэн бөгөөд 11 удаа багийн гишүүндээ оновчтой дамжуулалт хийжээ.