|

Харь нутагт орхигдсон монгол хүү

Оросын "Жди меня” нэвтрүүлэгт оролцсон Монгол нутагт төрж өссөн нэгэн хүүгийн сонирхолтой мэдээллийг хүргэж байна. Одбаяр гэх энэ хүүг Оросод ээж нь орхиод явсан юм.  Энэхүү нэвтрүүлгийг үзсэн ASIARUSSIA.ru сайтын сэтгүүлч Майдар Сосорбарам уг хэргийг онцолж Одбаяр хүүгийн түүхийг сөхсөн аж.   

Одбаяр хүү 1997 оны зун ээжтэйгээ Орос руу явсан байна. 1999 онд ээж нь Монгол руу яваад ирээгүй гэнэ. Үүнээс хойш Одбаяр хүү ОХУ-ын Новосибирск хотын  хүүхдийн асрамжийн төвд амьдрах болжээ. Одбаяр монгол хэлээ мартсан хэдий ч өөрийн аав, охин дүү болон эмээгээ үргэлж санаж амьдарсанаа нэвтрүүлэгт оролцох үеэр хэлсэн юм.

Нэвтрүүлгийн үеэр хүү өөрийгөө Хонхор гэх газар амьдарч байсан хэмээн ярьсан ба үнэн хэрэгтээ энэхүү газар нь Тэрэлж байсан гэнэ. Монголын Элчин сайдын яамныхны тусламжтайгаар нэвтрүүлгийн хамт олон түүний гэр бүл  аав, охин дүүг олжээ. Тэд Москвад хүүтэйгээ уулзсан аж.

Сэтгүүлч Майдар Сосорбарамын хэлснээр Монголын эрх баригчид 2006 онд гарсан энэхүү үйл явдалд огт ач холбогдол өгөөгүйг шүүмжлэн нэгэн иргэн нь харийн оронд өнчрөн байсан явдлыг анзааралгүй өнгөрсөн нь гутамшигтай байдал хэмээсэн юм.

Түүнчлэн сэтгүүлчийн хэлснээр уг сайтын нэгэн уншигч сайн санаатан нэвтрүүлэгт оролцсон Монгол хүү Одбаярын сургийг гаргасан гэв. Одоогийн байдлаар Одбаяр Новосибирск хотноо эхнэр, охиныхоо хамтаар амьдарч байгаа гэнэ. Энэхүү нэвтрүүлгийн дараа түүнд эх орондоо эргэж ирэх нөхцөл бололцоо байгаагүй аж. Бичлэгт гарсанчлан Монголд амьдарч байгаа түүний эцэг, охин дүү нар нь мөн санхүүгийн бололцоогүйн улмаас тэрбээр одоо хэр Оросод амьдарч байгаа юм байна.
 
7870
  • Стеф Карригийн залгамжлагч гарч ирэв Үзсэн   1175 2018-10-12
  • 50-н саяын уналт - Сумъя, Eric нар 11 сая төгрөг хожив Үзсэн   2222 2015-01-01
  • Агиймаа- "Чамаас би холдмооргүй байна" Үзсэн   1743 2015-01-04
  • СОГТУУ МОНГОЛ ЖААЛУУД Үзсэн   2375 2014-07-16
  • бригада 15 анги Үзсэн   1636 2015-01-09
  • "Юрийн галавын хүрээлэн-IV" цуврал 500 сая долларыг олоод байна Үзсэн   1306 2015-06-15
  • БАЙГАЛЬ ОРЧИН, УУР АМЬСГАЛЫН ӨӨРЧЛӨЛТИЙН САЙД Б.БАТБААТАР ОРОН НУТАГТ АЖИЛЛАЖ БАЙНА Үзсэн   242 2025-06-30
  • "Учиртай урилга"- М.Итгэл /спортын эмч/ Үзсэн   1546 2016-04-25
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.