Дугуйт тэшүүрийг “хашраагч” зургаан настай хүү

Дугуйт тэшүүрийг төгс эзэмшсэн 6 настай, Энэтхэг Гаган Сатиш хүүг танилцуулж байна. Тэрээр дугуйт тэшүүртэйгээ машин доогуур сурамгай гэгч нь гарчихдаг аж. Хүү тэшүүртэйгээр хөлөө хоёр тийш сунган 70м газрыг 29 секунтийн хугацаанд туулжээ. Мөн 39 машины доогуур гарсан юм. Гаган Сатиш "Би гурван настайгаасаа л эхлэн дугуйт тэшүүрээр гулгаж байгаа. Одоо найзууд минь намайг дуурайн тэшүүрээр их гулгах болсон. Миний дараагийн зорилт 100 машин доогуур гарах явдал. Мөн олимпийн наадамд оролцох маш их хүсэлтэй байгаа” гэжээ. Тэрээр тэшүүрийн клубт явахыг хүсдэг ч түүнийг дэндүү балчир гээд оруулдаггүй гэнэ. Түүний ээж, 28 настай Хэма Сатиш "Миний хүү их уян налархай биетэй. Энэ нь түүнд тэшүүрээр гулгахад их нөлөөлдөг. Тэр олон удаа унаж бэртэж байсан ч шантралгүй үргэжлүүлсээр л байдаг” гэжээ. gogo.mn