|

Виртуал орчныг ГАРААРАА мэдэрнэ

Виртуал ертөнцийг бүтээснийхээ дараа бид дотор нь орж үзэхийг хүсэв. Одоо бүгд орж чаддаг болсон. Харин дараа нь бид хүрч үзэхийг хүсэв. Удахгүй бүгд хүрч чаддаг болно.

80, 90-ээд оны зөгнөлт кинонуудад хүмүүс тоглоомынхоо ертөнцөд орж, бүр гэмтэж бэртэх, амиа алдах зэргээр бодит ертөнцтэй холбогдож байгааг харуулдаг.

Харин энэ бүхэн одоо дэлгэцийн зөгнөлөөс хальжээ. Dexmo компани механик бээлийг танилцууллаа. Энэхүү бээлийг өмссөн хүн виртуал орчинд байгаа эд зүйлсийг үнэхээр барьж байгаа мэт мэдэрч чадах юм.


Бээлийний хуруунууд нь хэрэглэгчийн гарын хөдөлгөөнийг мэдэрч, виртуал орчинд байгаа биетийн хэлбэр, хэмжээ, дүрс тэр ч бүү хэл хатуу зөөлнөөс шалтгаалан өөр өөр үйлдэл хийнэ.

Хятадын Dexmo бизнесийн гараагаа эхэлж буй компанийг санхүүжүүлсэн Dexta Robotics өнгөрсөн хоёр жилийн хугацаанд энэ төхөөрөмжийг бүтээхээр 20 гаруй туршилтын загвар хийжээ.

Компани энэхүү төхөөрөмжийг компьютер тоглоом, боловсрол, анагаах ухааны салбарт ашиглахаар төлөвлөж байгаа аж.

Гэвч энэ төхөөрөмжийг зүгээр л хайрцагнаас гаргаж ирээд ашигладаг энгийн цахилгаан бараатай адилтгаж болохгүй юм. Учир нь хэрэглэгчид яг л виртуал орчинд байгаа зүйлсийг мэдрэх боломжийг олгох программ хангамж шаардлагатай.

Түүнчлэн тэр программ хангамжийг нь хөгжүүлж чадах томоохон компани ч хэрэгтэй. Тиймээс Dexmo төхөөрөмжөө хэзээ, ямар үнэтэй худалдаанд гаргах тал дээр бус харин хамтран ажиллах компанийг хайж байгаа юм.

Эх сурвалж: Engadget 

1186
  • Гэрийн нөхцөлд амны хаалт хийх зөвлөмж Үзсэн   889 2020-03-03
  • Жинхэнэ рок барилгачин Үзсэн   1452 2014-09-16
  • Big gut dance-Том гэдэсний бүжиг Үзсэн   1426 2014-08-20
  • ОХУ-ЫН ЕРӨНХИЙЛӨГЧ "КАМАЗ" МАШИН ЖОЛООДОВ Үзсэн   956 2018-05-16
  • Багш таныг дуулъя - дуучин Э.Дашням Үзсэн   749 2021-10-14
  • Эможи киноны трейлер гарлаа Үзсэн   1366 2016-12-21
  • Леброн Жеймс сагсан бөмбөгийн түүхэнд 40 мянган оноо авсан анхны тоглогч боллоо Үзсэн   1066 2024-03-04
  • Хүүхэд хулгайлах хэр амархныг харуулсан сургамжтай туршилт Үзсэн   843 2019-05-19
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.