Ядуурлыг бууруулах төсөл нэрээр сүлжээний бизнес эрхэлж байна

Олон нийтийн сүлжээ, сошиал орчинд мэдээлэл түгээж, Казакстаны ядуурлыг бууруулах төсөл нэртэй facebook группид гишүүдээ нэгтгэдэг G-TIME \golden time\ төсөл нь  нэгэн төрлийн сүлжээний бизнес юм байна. Сүлжээний бизнест мөнгөө алдсан, хулхидуулсан гэх гэмт хэрэг  хууль хяналтын байгууллагад олонтаа шалгуулж байсан цаг саяхан. Тэгвэл G-TIME гэх энэ төслийн талаар хэвлэл мэдээллийн хэрэгслүүд сурвалжилж  хууль ёсны төсөл эсэхийг тодруулсан байна. Ингэхэд Казакстан улсад ийм үйл  ажиллагаа эрхэлдэг төв байдаггүй, уг сүлжээний бизнесийг ОХУ-ын иргэд  оруулсан ирсэн байх боломжтой талаар эх сурвалж мэдээлсэн байна.

Казакстаны ядуурлыг бууруулах төсөл\Kazakstanii yaduurliig buuruulah tusul\  нэртэй facebook групп нь өдгөө 100 мянга гаруй гишүүнтэй  болжээ. Тус группт сүлжээнд элсүүлэхийг уриалж,  өөр өөр мөнгөн дүнтэй хэдэн төрлийн хөтөлбөр санал болгодог аж.

Тус төсөлд нэгдсэн иргэдийн  хэлж буйгаар  дэлхийн 77 оронд үйл ажиллагаа явуулдаг, үйлдвэрлэгч компани гэх. Харин цагдаагийн байгууллагаас  эх үүсвэр, хөрөнгө оруулалт  тодорхойгүй, Монгол Улсад албан  ёсны зөвшөөрөлтэй, татвар төлж үйл ажиллагаа явуулдаг эсэх нь тодорхойгүй сүлжээний бизнест  элсч хохирохгүй  байхыг анхааруулж байна. Иргэд дутуу мэдээлэл авч элссэнээс эдийн засгийн хохирол амссаныхаа дараа цагдаагийн байгууллагад ханддаг аж. Цаад эзэн нь тодорхойгүй, хохирол барагдуулах эзэн холбогдогчгүй энэ төрлийн бизнесийн хохирогчдын хэрэг олон сар жилээр шийдэгдээгүй тохиолдол ч байна.

 Б.Сондор