“Хар Ирвэс” нэг тэрбум ам. долларын ашиг олжээ

"Дисней" болон "Марвел" Студийн хамтын бүтээл болох  "Хар Ирвэс” уран сайхны кино дэлхий даяар нэг тэрбум ам. долларын ашиг олоод байгаа тухай Дисней студиэс мэдэгдсэн байна. 

Чадвик Бөүзмэний гол дүрд нь тоглож, Райан Күүглерийн найруулсан тус кино нээлтээ хийснээс хойш ердөө 26 хоногийн дотор тэрбум ам. долларын ашиг олсон кинонуудын эгнээнд нэгдэж чадлаа. 

"Хар Ирвэс” нь Уолт Дисней студийн нэг тэрбум ам. долларын ашгийг давж чадсан 16 дахь бүтээл болж байгаа бол Марвел Студийн "The Avengers," "Avengers: Age of Ultron," "Iron Man 3" and "Captain America: Civil War" зэрэг кинонуудтай ашиг орлогоороо эн зэрэгцэж чадлаа. 

АНУ-д тус кино 521 сая ам. долларын ашиг олсноороо  түүхэнд хамгийн өндөр ашиг олсон кинонуудын есөд бичигдэх болсон байна.

Хоёр дахь том кино зах зээл болох БНХАУ-д "Хар Ирвэс” өнгөрсөн баасан гарагт нээлтээ хийсэн ба эхний өдрөө л гэхэд 22 сая ам. долларын ашиг олсон нь тус кино олон улсын тавцанд 500 ам. долларын ашгийг давах бүрэн  боломжтойг харуулсан юм. 

Нээлтээ хийсэн өдрөөсөө хойш "Хар Ирвэс" боксоффисын рекордууд болон кино ертөнц дэх тогтсон заншлуудыг эвдсээр байна. 

Африк-америк гаралтай найруулагчийн бүтээсэн Марвелийн анхны бүтээл болох "Хар Ирвэс”  Хойд Америкт нээлтээ хийсэн  даруйдаа 201.8 сая ам. долларын ашиг олсон ба Райан Күүглерийг африк-америк гаралтай найруулагч дундаасаа хамгийн их  орлого олсон найруулагч болгожээ. 

Rotten Tomatoes цахим хуудсанд "Хар Ирвэс”  97 хувийн үнэлгээтэй явж байгаа ба комик номноос сэдэвлэсэн хамгийн өндөр үнэлгээтэй кино болж түүхэнд бичигдэж байна.

Эх сурвалж: CNN