Леброн гайхамшигтай дамжуулалт өгөв
Сагсан бөмбөгийн "Кливлэнд Кавальерс” багийн ажил хэрэг сүүлийн үед нэг л урагшгүй байгаа. Янз бүрийн асуудлууд гарч байгаагийн дээр тус баг сүүлийн 10 тоглолтын зургаад ялагдал хүлээгээд байгаа юм. Хамгийн сүүлд өчигдөр "Лос-Анжелес Лэйкерс” багийн талбай дээр зочлон 113:127-гийн харьцаатайгаар ялагджээ. Ингэснээр "Кливлэнд” Зүүн бүсийн жагсаалтын дөрөвдүгээр байрт бичигдэх болов.
Харин домогт Леброн Жэймс гайхалтай дамжуулалтаараа шүтэн бишрэгчдээ баярлуулсан хэвээр байгаа аж. Тэрбээр эсрэг багийн хамгаалалтыг толгойн ганц дохилтоороо хуурч, цагирган дор ганцаар зогсох Анте Жижичид бөмбөгийг дамжуулснаар гоёмсог довтолгоог хийсэн байна. Иймэрхүү дамжуулалтыг Мэжик Жонсоноос өөр хэн ч хийж байсангүй.