Усан санд тарвалзах дуртай баавгайнууд од болжээ

АНУ-ын Калифорни мужийн Брэдберри хотод оршин суудаг нэгэн гэр бүлийнхэн орон гэрт нь баавгайн гэр бүл зочлох болсонтой эвлэрсэн байна. Зарим өдөр ээж баавгай тэдний гэрт ганцаараа ирж эзэн шиг загнадаг бол хааяахан бамбаруушнуудаа дагуулчихсан ирдэг байна. Баавгайнууд тэдний эзэмшил газар дээр хоол эрсэн шиг зугаалж, янз бүрээр өөрсдийгөө зугаацуулдаг гэнэ шүү. 

Тэдэнд усан сан хамгийн их таалагдсан байна. Баавгайнууд усан санд шавайгаа ханатал сэлэх зуур гэрийн эзэд холоос энэ бүхнийг харсан шигээ бичлэгийг нь хийж суудаг аж. Урилгагүй зочдынх нь үдэшлэг хэзээ дуусахыг тэвчээртэй хүлээж, булаан эзлэгчид явж одохыг харзнадаг байна.