|

Видео: Эсэргүүцэл үргэлжилж, хонгконгчууд 40 км урт гинжин хэлхээ үүсгэжээ

 

 

Хонгконгийн хэд хэдэн дүүрэгт ням гаригт болсон эсэргүүцлийн арга хэмжээний үеэр 29 хүн баривчлагдсан талаар Цагдаагийн газар мэдээлжээ. 


ТАСС агентлагийн мэдээлснээр, ням гаригт Хонгконгийн олон дүүрэгт жагсагчид хаалт босгон, цагдаагийнхан тэднийг нулимс асгаруулагч хий ашиглан тараасан байна. 


"Ажиллагааны үеэр 17-52 насны 19 эрэгтэй, 10 эмэгтэйг цагдаагийн офицерүүд рүү халдах зорилгоор зэвсэг биедээ авч явсан, хууль сахиулан ажилтнууд руу халдсан, хууль бусаар жагссан зэрэг зөрчлийн улмаас баривчилсан” хэмээн Хонгконгийн цагдаагийн газрын албан ёсны цахим хуудсан дээрх мэдэгдэлд дурджээ. 


Түүнчлэн жагсагчдын "хүч хэрэглэсэн үйлдэл”-ийг таслан зогсоохын тулд тэднийг тараахын тулд хүч хэрэглэхээс аргагүй болсон талаар онцолсон байна. 


Ийнхүү ням гаригт дахин эсэргүүцлийн хөдөлгөөн өрнүүлсэн хонгконгчууд наймдугаар сарын 23-ны баасан гаригт нэгэн өвөрмөц арга хэмжээ зохион байгуулж олон улсын анхаарлыг татсан юм. 


Тодруулбал, жагсагчид баасан гаригийн орой гар гараасаа барилцан, 40 километр орчим үргэлжлэх амьд гинжин хэлхээ үүсгэсэн байна. Энэ арга хэмжээгээ тэд Балтийн орнуудын тусгаар тогтнолын төлөөх "Балтийн зам” арга хэмжээний дурсгалд зориулан зохион байгуулжээ. Одоогоос 30 жилийн өмнө, 1989 оны наймдугаар сарын 23-нд Зөвлөлт Социалист Эстон, Латви, Литва улсуудын оршин суугчид эдгээр орнуудын хувь заяаг шийдсэн Молотов-Риббентропын пактад гарын үсэг зурсан дурсгалд зориулан Таллин, Рига, Вильнюс хотыг холбосон 670 км урттай амьд гинжин хэлхээ үүсгэж байсан аж. 


Энэ үйл явдлын дурсгалд зориулан Хонгконгийн эсэргүүцэгчид метроны гурван шугмын дагуу гар гараасаа хөтлөлцөн зогссон бөгөөд оройн цагаар гинжийг харагдуулахын тулд зарим нь гар утасныхаа гэрлийг асаасан байжээ. Тэд энэ арга хэмжээгээ "Хонгконгийн зам” хэмээн нэрлэн, эсэргүүцэгчид цагдаагийнхны хүчирхийлэл, Хятад руу хүмүүсийг шилжүүлэх төлөвлөгөөний эсрэг зогсож байгааг харуулах, түүнчлэн гаднаас тусламж дэмжлэг дуудахын тулд зохион байгуулсан гэж мэдэгджээ. 

 

Г.Бямбасүрэн

Shuud.mn



906
  • "Сайн Муу Хэрцгий 2" МУСК Үзсэн   1919 2018-10-30
  • Маск - SURPRISE Үзсэн   1602 2015-01-20
  • Хорватын шигшээ бут ниргүүлэв (бичлэгтэй) Үзсэн   1017 2018-09-12
  • "Гей мисс" тэмцээний үеэрх үзүүлбэр /бичлэг/ Үзсэн   1307 2016-12-13
  • Say Something - S4 BeatboxBachka ft Ganbolor & Zulaa - PTX cover Үзсэн   1256 2014-09-01
  • Mrs.M - Cash Cash Үзсэн   742 2019-02-23
  • Та яг одоо ямар үнэртэй ус түрхсэн байна вэ? Үзсэн   1080 2018-06-28
  • Жинхэнэ саваадаг бичлэг усанд орох гээд хулхидуулав Үзсэн   1584 2014-08-13
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.