О.Осоржамаа: Хүний эрхэнд жаргахаар өөрийн эрхэнд зов
Олон нийтийн цахим сүлжээний дуулиант оддын нэг О.Осоржамааг танихгүй хүн ховор. Түүнийг хамгийн өөрийнхөөрөө амьдарч яваа нэгэн хэмээн сүүлийн үед тодорхойлох болсон. Харин тэрбээр лайв бичлэг дээрх шигээ нэгэн биш гэдгээ мэдэгджээ.
Хотод орж ирээд дөрвөн жил орчим болж байгаа тэрбээр хэлэхдээ "Амьдрал дээр би лайв хийгээд байдаг шиг ээ биш. Би өөрийнхөөрөө амьдрах гэж хичээдэг хүн. Өөрийнхөө хүссэн хувцсыг өмсөөд, чөлөөтэй амьдрахыг хүсдэг. Хүний эрхэнд жаргаж байснаас өөрийн эрхээр зов гэдэг үг байдаг ш дээ. Трансжендер болохын хувьд тийм ч том зорилго байхгүй, бас бага ч байхгүй, дундуур л байна" хэмээсэн байна.
Энэ тухайгаа өөрийгөө Чингис Хаанд өргөмжлөөд байгаа М.Баасанжаргалтай уулзах үеэрээ хэлсэн бөгөөд түүний шоуны нэг хэсэг болоод амжив.
М.Баасанжаргалын хувьд эдгээр бүх зүйлийг шоу хэмээсэн бөгөөд тун удахгүй сүүлийн нэг жилийн хугацаанд болсон үйл явдлуудаараа хийсэн киногоо нээх гэнэ лээ.
Харин О.Осоржамаа олон дагагчтайнхаа хэргийг гаргаж олон нийтийн сүлжээнд сурталчилгааны ажил хийхээр эргэлт буцалтгүй шийдсэн байна. Ингээд цахим орчин дахь инфлүнсерийн тоо дахин нэгээр нэмэгдлээ.
