|

ВИДЕО: Хятадын сувилагч нар өвчтөнүүдийг сэргээхээр концерт тогложээ

 

 

Хятадын Ухань хотод шинэ төрлийн титэм вирусийн халдвар авсан хүмүүсийг эмчлэх зорилгоор байгуулсан түр эмнэлгийн сувилагч нар өвчтөнүүдийн сэтгэлийг сэргээхээр концерт тогложээ. 

 

Тодруулбал, БНХАУ-д алдартай "талбайн бүжиг"-ийг эмнэлэг дотор бүжиглэсэн бөгөөд энэ үйл явдлыг харуулсан дүрс бичлэг Хятадын олон нийтийн сүлжээнд тарж, иргэд ихээр дэмжсэн байна. 

 

Хамгаалалтын хувцас, нүдний шил, амны хаалт, бээлийтэй хоёр сувилагч Хятад хөгжмийн аянд бүжиглэж эхлэхэд эмнэлгийн өвчтөнүүд тэднийг дэмжин, бүжигт нэгджээ.

 

Энэ санаачилгыг гаргасан нэгэн сувилагч "Жунсиньван" цахим мэдээллийн агентлагт ярихдаа ийнхүү бүжиглэж өвчтөнүүдийг хэсэг хугацаанд ч болов өвчнөө мартан, эмнэлгийн орноос босож, аюултай өвчинтэй тэмцэхийн тулд сэтгэл санаагаа өөдрөг болгоход нь туслах зорилготой байсан хэмээн онцолсон байна.

 

Эмнэлгийн нэгэн өвчтөний өгүүлснээр, эмч сувилагч нарыг өвчтөнүүд ч дэмжин, хамтдаа бүжиглэсэн бөгөөд гэхдээ аюулгүй байдлын зааварчилгааг нарийн мөрдсөн гэнэ. Тэд нэг нэгнээсээ метр гаруй зайд зогсон бүжиглэжээ. Мөн эмнэлэгт үргэлж л эмч сувилагч нарт зориулсан зар, дуудлага явдаг тул хөгжим эгшиглэхэд өвчтөнүүдийн сэтгэл хөдөлж, нулимс унагасан гэж өөр нэгэн өвчтөн ярьсан байна.

 

 

Г.Бямбасүрэн

 
Shuud.mn
 
845
  • (solongos helnii anhan shat hicheel) Korean Language for Mongolian 1 Үзсэн   4355 2014-07-17
  • МУГЖ Ж. Алтанцэцэгийн “Чинийхээ хайранд жаргая” дууны клип цацагдаж эхэллээ Үзсэн   858 2018-10-19
  • Амбий ба Захиалгат Инээд Виз Үзсэн   2358 2014-07-15
  • Хятадууд “Форд”-ыг хамгийн үнэтэй жийп болгожээ Үзсэн   1130 2018-03-26
  • ust For Laughs Gags Ultra Best Off Video Үзсэн   4147 2014-07-19
  • Wolarsen show №3 Engiin&Ereeper Ganaa Үзсэн   1186 2019-08-16
  • Махлаг бүсгүйчүүдийг магтан үглэсэн рэппэр Khari Үзсэн   1099 2016-01-07
  • "Сайн уу? Сайнаа" ток шоу С.Сарантуяа Монгол Улсын Ардын Жүжигчин Үзсэн   5702 2014-07-18
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.