|

Бууж өгөхийг хүсээгүй жүдоч хүүг үхтэл нь зоджээ

Туркменистанд болсон нэгэн тэмцээн дээр бууж өг гэсэн шаардлагыг зөвшөөрөөгүй 14 настай жүдоч хүүгийн амь насыг хохироосон жигшүүрт хэрэг гарчээ.

Цахим сайт turkmen.news-т бичсэнээр энэ сарын эхээр Бахардент болсон тэмцээнд Сулейман Турсунбаев оролцсон байна. Сулейман бол багаасаа жүдогоор хичээллэсэн, ирээдүйтэй тамирчин гэж нэрлэгддэг байсан хүү. Зургаадугаар ангиа төгсөөд Олимпын тамирчдыг бэлтгэх сургуульд сонгон шалгаруулалтаар элсэж, амиа алдах үедээ долоодугаар ангид суралцаж байв.

Тэмцээний финалд түүнтэй Туркменистаны Дотоодыг хамгаалахын сургуулийн сонсогч шалгаран үлдсэн байлаа. Барилдааны өмнө хүмүүс түүнтэй уулзаж, "Нэг их хичээгээд хэрэггүй шүү” гэж сануулсан нь бууж өг гэсэн үг байлаа. Гэвч эрч хүч дүүрэн, өөртөө итгэлтэй залуу хүү бууж өгөхийг хүссэнгүй. Сулейман Турсунбаев хүнд хэцүү барилдаанд шударгаар ялж, нэгдүгээр байр эзлэн, дипломоор шагнуулсан байна. Харамсалтай нь Сулейман, түүний дасгалжуулагч хоёрын баяр удаан үргэлжилсэнгүй. Шагнал гардуулах ёслол дуусангуут хэдэн хүн дасгалжуулагчийг нь зодон, ухаан алдуулаад хүүг машинд суулган, авч явсан байна. Удалгүй түүнийг гудамжнаас олоход яс нь хугарч, элэг нь бяцарсан байжээ.


Эмнэлэгт хүргэн, тусламж үзүүлсэн ч аврах ямар ч арга байсангүй. Хүү амьсгал хураахынхаа өмнө "Хамаг бие өвдөж байна. Биенд битгий хүр” гэж хэлж, цусаар шээж, бөөлжиж  байсан гэнэ.  

Сулейманы ээж Зияда Ходжакова "Миний хүүг маш олон хүн нийлж, зодсон. Хүү минь Туркменистаны далбааг мандуулна гэж мөрөөддөг, ярьдаг байсан. Би шударга ёсыг шаардаж байна” гэж сэтгүүлчид ярьсан байна.

 
 https://news.zindaa.mn/3lof
78
  • АЯЫГ ТАА - UB COMEDY Үзсэн   456 2019-07-30
  • Киноны хөгжилтэй алдаа /бичлэг/ Үзсэн   527 2017-05-20
  • ”ТӨӨРӨЛДСӨН ТАВИЛАН” Ээж хүү хоёр 33 жилийн дараа... Үзсэн   542 2017-10-23
  • Ягтүүншиг шоуны 8 дахь дугаарын ялагч Б. Ариунцэцэг ( Хар сарнай С. Амармандах- Бүтээнэ Сөнөөнө) Үзсэн   619 2017-05-22
  • Ийм бүтэлгүй хүмүүс байдаг л биз дээ Үзсэн   529 2019-06-12
  • ГЭРЭЛТЭЙ ЦОНХ - Дуучин СЭРЧМАА Үзсэн   510 2018-03-19
  • Шатаад л.... (дууг монголчиллоо) Үзсэн   1378 2014-10-25
  • Цензургүй яриа нэвтрүүлэгт МУГТ, Хөдөлмөрийн баатар Доржсүрэнгийн Сумъяа оролцлоо... Үзсэн   535 2017-11-07
  • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.