|

"Боловсролын салбарт маш олон асуудал бугшиж байгаа"

Нийслэлийн Сүхбаатар дүүрэгт байрлах 16-р сургуулийн багш, ажилчид тус сургуулийн захирал С.Пүрэвжаргалыг төсвийн мөнгө их хэмжээгээр шамшигдуулсан гэх асуудлаар өнөөдөр мэдээлэл хүргэлээ. (2022.06.10)

Монголын багш нарын үйлдвэрчний эвлэлийн холбооны дарга Д.Мөнхбаатар "Боловсролын салбарт маш олон асуудал бугшиж байгаа. Үүний нэг хэсэг нь сургууль, цэцэрлэгийн захирал  төсвийн мөнгө шамшигдуулаг, мөнгө иддэг гээд маш олон асуудалтай нүүр тулж байгаа. Жишээ нь Сүхбаатар дүүргийн 16-р сургууль байна. 

Сүхбаатар дүүргийн 16-р сургуулийн захирал С.Пүрэвжаргал ковид-19 халдвартай, хэмнэлтийн үед  огт ажилладаггүй гурван хүнд цалин бодож өгсөн. 

Дараа нь, өнгөрсөн оны эцэст сургуулийн урлаг заалыг засах нэрийдлээр 19 сая гаруй төгрөг нэг компанид шилжүүлсэн. Мөнгө шилжүүлсэн мөртлөө засварын ажлыг сургуулийнхаа багш ажилчдаар гүйцэтгүүлсэн, илүү цагийн нэмэлт цалин хөлс өгөөгүй. Тиймээс тухайн мөнгөнөөс шамшигдуулсан байх магадлалтай.

Мөн JCI олон улсын байгууллага энэ сургуулийн спорт заалны хувцас солих өрөөг өөрсдийн 100 хувийн хөрөнгө оруулалтаар засаж, тохижуулж өгсөн. Харамсалтай нь С.Пүрэвжаргал захирал энэ заалны тохижилтыг хийнэ гээд төсвөөс 10 сая төгрөг  бас нэг компани руу гаргаад идчихсэн. Эдгээр асуудлыг нь сөхөөд манай сургуулийн багш нар АТГ-т хандсан.  Мөн дүүргийн засаг дарга Х.Болормаа болон Боловсролын ерөнхий газарт хандсан. Хоёр сарын хугацаанд олигтой шийдвэр гараагүй байж байгаад өнөөдөр С.Пүрэвжаргал захирал "өөрийн хүсэлтээр" гэсэн үндэслэлээр ажлаас чөлөөлөгдөж байна. Хамт олны зүгээс сургуулийн захирлыг дотроосоо тавих байсан ч дүүргийн засаг дарга Х.Болормаа улс төржсөн шийдвэр гаргаж, түр орлон гүйцэтгэгч тавьсан.

Ийм байдлаар боловсролын салбарт бугшсан хамгийн том асуудал нь сургууль, цэцэрлэгийн захирлыг сум, дүүргийн засаг дарга нар томилдог болсон хуулийн өөрчлөлт юм. Тэд боловсролын салбарыг улс төржүүлж, хамаатан саднаа тавьж байна.

Тэгэхээр УИХ-ын гишүүдээ, Боловсролын сайд аа, Ерөнхийлөгч өө, Боловсролын салбарыг улс төрөөс ангижруулахгүй бол энэ салбар авлига, хээл хахууль, ажлын байрны дарамт гээд муу муухай бүхний хээл хахууль боллоо.

16-р сургуулийн маань 70 жилийн ой энэ намар болно. Сургуулийнхаа ойн хичээлийн шинэ жилийг "жинхэнэ" захиралтай угтахын төлөө тэмцэнэ" гэсэн юм. 

388
  • Сансарт уйлж болдог уу? Үзсэн   1648 2014-08-21
  • Монголын танкчид танкийн биатлоны дэлхийн аваргад оролцож буй бичлэг Үзсэн   1492 2014-08-07
  • ТМ Танил хүн нэвтрүүлэгт УИХ-ын гишүүн Ц.Нямдорж оролцлоо Үзсэн   1021 2016-01-26
  • Дуучин А.Хишигдалай "Би ам барьдаггүй юм аа, гэхдээ гэнэтийн шалгалтад орчихлоо" Үзсэн   971 2016-04-28
  • Жүжигчин Т.Билгүүний бичлэг муу ёрыг зөгнөсөн үү? Үзсэн   1542 2015-01-28
  • Долоо хоногийн шилдгээр Д. Бердибек, С.Билэгт нар тодорлоо Үзсэн   765 2018-11-19
  • "Илбэ намайг сонгосон" - Бүхэл бүтэн 54 ш хөзөр алга болчихлоо. Та бүхэн дуустал нь үзээрэй. Үзсэн   1541 2015-08-17
  • Цензургүй Яриа - Ч.Сайханбилэг МУ-ын Ерөнхий сайд Үзсэн   1154 2015-12-01
    • АНХААРУУЛГА: Уншигчдын бичсэн сэтгэгдэлд www.WINDOW.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.