Хүлгүүд цувралыг тэнцүүллээ /1:1/

Энэ өдрийн 2 дах тоглолт "Плэй-Оффын Сонгодог тулаан” Дорнод Танан Гарьд болон СБЛ Хасын Хүлэгүүд багуудын цувралын 2 дах тоглолт байлаа. Цувралыг 1:0 харьцаатай Танан Гарьд баг тэргүүлж байсан билээ.

Өнгөрсөн тоглолтоос олон зүйл дээр өөрчлөлт хийж чадсан нь Хүлэгүүдээс харагдаж байлаа. Энэ өдөр Билгүүн өмнөх тоглолтын адил тоглолтын эхнээс сайн тоглолтоо үзүүлж байсан бол Отгонмөнх, Бямбадорж нар ч хэрэгтэй оноонуудыг авч байлаа. Бас нэгэн өөрчлөлт нь холбон тоглогч Сэргэлэн сэлгээнд сууж, түүний оронд Рэй Жорж гараанд гарсан нь нүдээ олсон шийдвэр байсан юм. Харин Гарьдууд мөн л төвийн тоглогчгүй гарааны тавтыг гаргасан байсан юм. Тоглолт эхнээсээ тун ширүүн уур амьсгалтай эхэлж, эхний хагаст багууд тэнцүүхэн тоглолт үзүүлж байсан ч Рэй Жорж, Бямбадорж, Билгүүн нар сайн тоглолт гаргаж байсны хүчинд Хүлэгүүд эхний хагасыг 9 онооны илүүтэй өндөрлүүлж чадсан. Эхний хагаст багууд Фил Жонс, Марко Павлович нарын төвийн тоглогчдоо огт ашигласангүй. Харин 2-р хагаст Танан Гарьд баг сайн тоглолтоо үзүүлж эхэлсэн бөгөөд тооны зөрүүг бага багаар ойртуулсаар байлаа. Гэсэн ч дасгалжуулагчдын хоорондох тулаан Хүлэгүүд ялж, Фил Жонсыг хэрэгтэй цагт нь маш зөвөөр ашиглаж чадсанаар самбар дор илүү тоглолт үзүүлж эхлэв. Гэсэн ч Гарьдууд Марког гаргасангүй.

Эх сурвалж: http://www.ssport.mn/p/1249